AVRIL
Accord fait entre Guillaume L, comte de Hainaut, et Jean LIT, duc de Brabant, pour
la fabrication d’une monnaie commune à leurs deux pays.
Nous Guillaumes, cuens de Haynnau, de Hollande et sire de Frise, Et nous Jehans par la grace de Dieu, dux de Lothier, de Brabant et de Lembourgh, faisons savoir a tous que nous rewardant au commun profit de nostres pays pour ce que toutes marcheandises puissent plus profitablement aler et venir de lun des pays a lautre et que tout marcheant et autre gent puissent et sachent leur denrees vendre et achater a une monnoiïe en nos diez pays, par grant conseil et par grant deliberation que nous avons sour ce eu maiement, par lassent et laccort des nobles et des bones villes de nos pays, Nous somes andoy assenti et accorde ensamble, assentons et accordons a faire une certaine monnoie ensamble, laquele doit estre et sera tout dun pois, dune loi et dune enseigne, cest asavoir que la dite monoie doit estre blanc denier dargent de diz solz et quatre deniers de compte au marc de troyes et a neuf deniers dargent le Roy, et courront al blane denier par tout nos pays, les deux pour un gros. Et vaurra cascuns blans deniers, ens es pays de Haynnau de Hollande et de Zelande, wit deniers tournois, et, ou pays de Brabant, douze deniers de Brabant cascuns, et ferons cascuns faire no monoie en caseun pays la u bon no samblera pour le profit de nous et de nos pays et volons et a ce nous accordons que tout li conques li profis et li avantages qui venra, sera, istera et naistra desdites monoies, tant de lun pays comme de lautre, soit rapportez par compte loialment, et quil soit parüt a cascun de nous autant a lun comme a lautre, et volons aussi que cascuns de nous, sil no plaist, puist envoyer et establir une warde en la monoie de
lautre, toutes fois quil plaira cascun de nous, laquele y sera avueqs la warde que cascuns de nous ara à sa monoie. Laquele monoie dessusdite no volons que elle soit bien et souffisanment gardee et maintenue dou piet et dou cours dessus dis, par maniere que nous le puissions hauchier et amenrir toutes fois quil nous plairoit, .se nous y veiens le profit ou le damage de nos pays, sauf ce que nous ne devons ne ne poons le dit piet de ladite monoie cangier, ne muer, se nous ne le faisons de no accort ensamble. Et volons ossi que cils accors et celle monoie a faire ensamble dure dou jour de la date de ces lettres le cours de trois ans continuelz ensivans apres, et que tout li manant et habitant en nos dessus dits pays pregnent et aliuwent la dite monoie ou cours devant dit, sauf nul contredit, et promettons loyalment et en bone foy et avons enconvent pour nous, pour nos hoirs et pour nos successeurs, toutes les choses dessus dites a tenir, garder et accomplir, sans nul aler alencontre. En tesmoignage desquelz choses nous en avons ces présentes lettres scellees de nos propres sealz. Donnees le jour dou repus diemence (*) lan mil trois centz trente
et SI.
Trésorerie des chartes du Hainaut : Inventaire de Jean Godefroy, CC. 6.
Imprimée dans le Charterboek de Van Minis, tom. If, page, 575.
(!) Le dimanche de la Passion.
BREST E or ne =
