CXV« HYSTOIRE

Comment Philippe de Valois roy de France vint contre le roy Edouart d'Engleterre qui estoit devant Rouen.

Quant Philippe de Valois, roy de France, sceult que le roy d'Engleterre estoit entrés en Normendie, ainsy que le mareschal Bertrand luy avoit conté, comme dessus nous avons dit, il esploita tant et se hasta le plus qu'il peult, et assambla grant nombre de gens d'armes et de communes, et s'en vint droit à la cité de Rouen contre le roy d'Engleterre, et fist tantost defFaire le pont de Rouen, pour la doubte que les Englecqs ne passassent, et venoit au roy de France tant de communes et sy mal armés et ils venoient sy envis, que c'estoit une merveille.

• Elbeuf.