CXVI" HYSTOIRE

Comment le roy d'Engleterre manda journée de bataille au roy de France, mais il ne le eult mye.

Quant le roy d'Engleterre sceult que le roy de France estoit venus à Rouen, il luy manda à avoir bataille par pluseurs fois, et le roy de France respondy qu'il u'estoit pas encore pourveus et que ses gens n'estoient pas encore tous venus, qu'il attendoit. Et entandis qu'on tenoit siège devant Rouen, il avint que II chevaliers d'Engleterre, lesquels II on nommoit monseigneur Richart de la Marche et monseigneur Thomas de Holande, firent une emprise oultrageuse, comme preux et hardis qu'ils estoient et entreprenans, ainsi comme vous orés ; car ils se partirent de l'ost du roy d'Engleterre, les escus à leurs cols et les lanches à leurs poings, et firent une envahye tous seuls pour leurs corps aventurer, et se férirent dedens la ville de Rouen jusques au Pont-Romput, en escryant : « Saint « George à Edouard ! » et là tuèrent-ils II hommes et en navrèrent pluseurs.

Et adont se commencha la ville à esmouvoir, et puis se retournèrent à quoitte d'espérons en euls deffendant, et revindrent en l'ost du roy d'Engleterre, sain et sauf de leurs corps, combien qu'ils eussent eu moult à faire, dont le roy les blasma moult de ce qu'ils s'estoient ainsy aventurés.

Et quant le roy d'Engleterre vid qu'il ne porroit avoir bataille au roy de France, il luy manda qu'il s'en yroit vers Paris, et là le siëvist qui volsist; car là le trouveroit-on. Dont fist tantost Edouard, roy d'Engleterre des-

logier, trousser et emmener tous ses prisonniers et son gaing en Engleterre par ses nefs qui n'estoient pas loing, et les conduisoit le conte de Hostidonne, à tous gens d'armes et archiers.

Et le roy d'Engleterre chevaucha à banière desploye, esquartelée de France et d'Engleterre, et le conte de Werwich et monseigneur GodefFroy de Harcourt, devant, et tout l'est après. Et tant chevauchèrent qu'ils vindrent au Pontde-l'Arche qu'on gardoit à force de gens d'armes ; et là eult grant bataille, mortele, murdrière, crueuse, doubteuse et moult fort périlleuse, et gaignièrent les Englecqs le pont, et y eult bien CGC Franchois tués, et sy en print le sire de Nebendalle * pluseurs, et passèrent les Englecqs oultre et pillèrent, brûlèrent et butinèrent la ville du Pontde l'Arche.

CXVIP HYSTOIRE.

Comment Philippe de Valois roy de France se parfy de Rouen pour aler devers Paris contre Edouart roy d'Engleterre.

Quant le roy de France sceult que le roy d'Engleterre s'estoit deslogiés de devant Rouen, et tous ses gens avoec luy pour aler devers Paris, il s'en partit au plus tost qu'il peult hors de Rouen à tous ses gens d'armes, et donna congiet à partie de ses communes, et chevaucha tant et si hastivement qu'il vint à Paris, avant que le roy d'Engle-

* Je crois qne ceci s'applique à Roger de Wetenhale qui se trouvait à cette époque dans l'armée d'Edouard III.

terre venist à Poissy. Lors commanda le roy de France à oster tous les appentis dessus les rues de Paris et fist porter et mettre pierres et caillaus aux fenestres des loges sur les rues et faire bonnes bailles et fortes barrières de boisa l'entrée des rues pour la doubte des Englecqs.