CXIII« HYSTOIRE

Comment le roy Edouart d'Engleterre, après celle première bataille en risle de Constantin, fist descendre et widier tous ses gens hoi"S des nefs, leurs chevaulx et leurs pourvéances.

Après celle bataille dont dessus est faite mencion, yssirent les Englecqs, eulx, leurs chevaulx et les pourvéances, hors des nefs paisiblement, et séjournèrent droit là environ VI jours pour eulx et leurs chevaulx mettre à point et rafFreschir.

Et quant le roy Edouart se party d'Engleterre, il avoit envoiet en Flandres ens es fortresses contre les Franchois, ainsy comme les convenances et les alliances se portoient. Et y avoit envoies II souffissans chevalliers ; c'est-assavoir monseigneur Hue de Hastinghes et monseigneur Jehan Mautravers, et s'en alèrent par ces frontières vers Saint-

Venant, vers Cassel, vers Terewane et vers Aire. Sy eurent en ces lieux pluseurs assaulx et pluseurs hustins, et de mors et de navrés y eult assez.

CXIIIP HYSTOIRE.

Comment le roy Édouart d'Engleterre s'en ala vers Quen, gastant et ardant, et comment il print Quen et aultres villes.

Quant le roy d'Engleterre et ses gens furent tous yssus hors des nefs et puis reposés et leurs harnas troussés et apprestés et toutes leurs pourvéances, car il ne menoient, ne quars, ne quarettes, fors sur chevauls, ils chevauchèrent parmy Normendie et parmy le royaulme de France , LV jours avant que le roy d'Engleterre venist au siège devant Calais, lesqueles journées, rencontres, courses, rembaremens, gastemens, brûlemens de villes et chasteauls, pillemens, violemens, efforcemens, renchonnemens, appatissemens, exactions de tailles , prinses et tollemens de vitailles, consaulx et assaulx, seroient trop longs à raconter et à deviser. Mais cy-après est contenu et deviset au plus près et au plus briefment qu'on puet, les villes fermées, chasteaulx, bourcs et fortresses, eu le roy d'Engleterre et ses gens eurent à faire.

Premier, quant il se party de le Hoghe, ils commenchèrent à pillier et brûler Barfleur et tout le pays d'environ ; puis après ce chevaucha le roy et le conte de Werwic, comme mareschal, devant, et monseigneur Godeffroy de Harcourt. Sy exillèrent, pillèrent et brûlèrent tout le pays jusques à Valongnes, et puis vint à Saint-Cosme-du-

Mont, et puis vint par ung joeudy à Quaranten, où ils eurent grant bataille, et fut la ville prinse par force, desruite, pillie et toutte arse, et tout le pays d'environ.

Après vindrent à le Basse- Ville et à Saint-Lô-le-Constentin, où les Normands avoient le pont brisiet et defFait pour deffendre le passage ; et là eult grant bataille entre eulx. Entandis les Englecqs refirent le pont et puis passèrent, et tuèrent, pillèrent et brûlèrent tout.

Et le samedi qui fut le jour de Marie-Magdalaine, le roy d'Engleterre passa Constances et Avrences jusques à Saint-Michiel où il jut celle nuit, et se reposa le dimence tout le jour ; et puis chevaucha le roy le lundy à Toregni, et brûlèrent et pillèrent la ville. Puis s'en allèrent à Maupertruis, près de Saint-Leu, où pareillement ils tuèrent, pillèrent et brûlèrent ce qu'ils y trouvèrent. Et au V* jour après, qui fut le jour Saint-Jaque, entra le roy Édouart d'Engleterre dedens la ville de Quen qui luy estoit contraire, à grant plenté de gens d'armes et d'archiers, et dedens la ville estoit le conte d'Eu, connestable de France, et le chambrelein de Tancarville, [envoyet] encontre les Englecqs de par le roy de France à tout grant plenté de gentils hommes et de bonnes armures, pour deffendre la ville. Et là eult grande bataille crueuse, raurdreuse, noiseuse, doubteuse et périlleuse, et grande crierye, et moult piteux bruit de femmes et d'enffans. Et sy montoient pluseurs chevaliers et aultres par loges et par soliers pour eulx muchier et garandir ; et les aucuns se defFendoient, et les aultres crioient merchy, tant que c'estoit moult grant pité à les oyr et regarder. En la fin, les Englecqs gaignèrent la ville de Quen par force de bataille, et y fut pris le conte d'Eu, connestable de France et le chambrelein de Tancarville et bien cent et six chevalliers ; et y eult grande ochision de

RÉCITS. 21 y

Tune partie et de l'autre, et s'eufuirent les femmes et les enfFans et tous ceulx qui eschapper peurent, à Saint-Leu. Et quant les Englecqs eurent prins dedens la ville ce qui leur pleut, ils boutèrent le feu partout ; sy y fut le gaignage grant, et y eurent grant quantité de chevaulx, et y eult bien mors environ III mil hommes.

Dont se party le roy d'Engleterre hors de Quen, et chevaucha à Corvelach et à Argense et à Saint-Laurent et à Lizieux, à Brione, à Harcourt, à Bastreville, à Forges, à Bray, au Noefbourg, à Le Bouef-sur-Saine \ et puis alèrent ardoir les fourbours de le cité de Rouen ; et se loga le roy d'Engleterre en une abbaye près de Rouen.