CXXVI« HYSTOIRE
La grande, mervilleuse et mortele bataille qui fut entre Cressi et la Broyé des François contre les Englecqs, au grant domage du roy de France et perte des barons de son royalme.
Quant les osts des II rois se furent sy approchies que pour férir ensamble, monseigneur Othes Doire et ses Genevois commenchèrent à tromper, corner et à sy grande noise faire de tous instrumens tout avant l'ost du roy de France que à paines y ooit-on goutte. Et avoec ce plouvinoit, tonnoit et esclistroit moult fort, et creteloit, et faisoit moult orrible tamps. Et en ce point commenchèrent à combatre les ungs contre les aultres et dura la bataille moult périlleuse, murdrière, sans pité, crueuse et trèsorrible, de basse nonne tout jusques à près de la nuit. Et là eult le prince de Galles tant à faire qu'il fut mis à genous
par deux fois, et que monseigneur Richart Fils-de-Symon qui portoit sa bannière, print sa bannière et le mist dessoubs ses pieds et passa sus pour garandir et pour son maistre rescourre, et print son espëe à II mains, et commencha le prinche à defFendre et à cryer : « Édouart à saint Jorge, (( au fils du roy !» Et à celle rescousse vint l'évesque de Durâmes et maints vaillans chevaliers qui rescouyrent le prince, et là releva monseigneur Richart sa banière. Et à celle rassarablée fut la grande et mortele desconfiture, et la grande bataille sy aspre, sy caulde et si orrible que jusques au roy de France en voUoient les iiesches des archiers ; et le cheval monseigneur Jehan de Haynault fut tués dessoubs luy, et pluseurs aultres de sa bataille navrés, blechiés, tués, pestelés, afFollés et esgeullés. Eu la fin furent les François vaincqus et desconfis ; et là fut ochis le roy de Behengne, le conte d'Alenchon, le conte de Flandres, le duc de Loraine, le conte de Blois, le conte de Harcourt, le visconte de Ventadour, le conte de Saume, le conte d'Aumarle, le conte de Monbliart, le visconte de Thouart, le conte de Forest, le conte des Blans-Mons, monseigneur Thiébault de Bar, garde de Bar, et de chevaliers banerets bien V%et XVI° bacelers, et bien XXXV"" hommes de pied, de pluseurs pays, sans les Englecqs. Et tout le remanant des François s'enfuy où ils peurent mieulx, car il estoit tard. Sy emmena monseigneur Jehan de Haynault tout bellement couchier le roy de France à Dourlens celle nuitye. Et lendemain au matin s'en ala le roy et monseigneur Jehan, à tout ce qu'ils eurent de gens, en la ville d'Amiens. Et les Englecqs demeurèrent toute nuit au champ de la bataille. Sy y venoient toute celle nuit gens d'armes par moncheaux, chy IIIP* , chy LX, chy cent, qui revenoient querre et recongnoistre leurs seigneurs, s'ils peussent, avant qu'ils fussent desarmés.
Mais soyez certain que les Euglecqs qui gardoient et veilloieiit le champ, les tuoient à fait qu'ils venoient. S'en tuèrent, puis la bataille partye, grant plenté celle nuit.
