CXXVII« HYSTOIRE
Une aultre bataille qui de l'echief fut faite le dimence lendemain de la grande bataille.
Après la desconfiture qui avoit'esté faite le samedi devant le Saint-Jehan-Décolace, l'an de grâce mil IIP et XLVI, refirent les François une assamblée le dimence au matin dalés le bosquet de Cressy, sur une petite montaigne, à XII mil hommes, de pluseurs terres, et gens d'armes, chevaliers et escuiers et aultres gens, de quoy les seigneurs estoient mors. Sy y eult grant bataille de l'une partye et de l'autre, et moult y eult de mors et de navrés, prins et emmenés. Mais en la fin les François furent desconfis et de rechief prins et tués, et aucun peu du reraanant s'en tournèrent en fuitte. Et les Englecqs les encachièrent plus d'une lieue, tuant et navrant eulx et leurs chevaulx. Et y eult bien tuet en celle seconde bataille, parmy ceuls de le cache, VF^ François, sans les prisonniers. Et séjourna le roy d'Engleterre à Cressy IIII jours, avoec le prince de Galles, son fils, et les aultres barons qui la grande bataille du samedy avoient desconfite. Et demanda le roy Edouart d'Engleterre au prince de Galles, son fils, ce que luy sambloit d'entrer et estre en bataille et se c'estoit beau jeu. Et le prince se teult et fut honteux.
Adont priut le roy monseigneur Godefi^roy de Harcourt
et plenté d'aultres compaignons, et alèrent serchier les mors ; et fist prendre tous les tournicles, mantelynes ou cottes d'armes, ainsy que pluseurs les nomment, des grans princes et des grans chevaliers, et les fist apporter en sg, tente. Et quant ils vinrent là où ils trouvèrent le roy de Behengne, le roy Édouart le fist lever et emporter et bien atourner et ensevelir et faire son service, et puis le charga et bailla aux Allemans pour le porter en son pays. Et ne fit nul conte des aultres, fors monseigneur Godeffroy de Harcourt d'un sien frère le conte de Harcourt et du duc de Loraine et du conte d'Alenchon qui furent enterrés en une chappelle à l'église de Cressy. Et y eult de tournicles en la tente du roy, où on les apporta, ce tesmoignèrent ceulx qui les virent et regardèrent, bien XXIP et plus. Et au chief de deux jours que les Englecqs eurent prins des armures des mors, tant qu'il leur pleut et que bon leur sambla, le roy fist tout le remanant des armures, vièses et nouvelles, bonnes et mauvaises, mettre en une grande place emmy le champ, et fist bouter le feu dedeus et tout ardoir, par quoy nul n'en eusist jamais nul aise.
Et ou tierch jour, se party le roy de Cressy et s'en ala sa droite voye vers Calais. Sy ardist Faucquembergues, Mentenay, Monstreul-sur-la-mer et Estaples, et chevaucha au dehors de Boullongne, et puis à Saint- Josse, qui fut arsse, et ossy fut Wissant toute brûlée et tout le pays environ à VI lieues en tous sens.
Et le lundy devant le jour Nostre-Dame, en la sepmaine première de septembre, vint le roy Édouart d'Engleterre à tout ses gens assiéger la ville et le chastel de Callais, devant laquelle ville il séjourna et tint siège ung an tout plain ; et y firent les Englecqs bonnes maisons et grande ville, et bien s'enfermèrent, car ils y séjournèrent tout
l'y ver et tout Testé que oncques le roy] de France, ne aultre, ne l'en leva. Si essilla moult le pays dedens ce terme , et eult la ville de Callais et ceulx de dedens moult à faire sans eulx assallir, et tousjours leur venoient pourvéances par terre et par mer à quelque meschief qu'il le eusissent, et longuement se tindrent.
Sy lairay de eulx et du roy d'Engleterre ung peu ester, et retourneray au roy de France.
