CXXVIII» HYSTOIRE

Comment le roy de France moult desconfit et esbahit séjourna et se tint en la ville et cité d'Amiens.

Après la desconfîture de la bataille de Cressy en Poutieu, comme dessus vous avés oy, et que Philippe de Valois, roy de France, estoit à Amiens, entre luy et monseigneur Jehan de Haynault, en attendant nouvelles quels gens il avoit perdu en la mortele et domageuse bataille dessus dite, dont vint le conte de Namur et monseigneur Charles de Behengne et monseigneur Loys, conte de Flandres, le fils de celuy qui avoit esté tué en la grande bataille, à tout ce que chascun avoit de remanant de gens, Sy estoient tous moult courouchiés et dolans et fort esbahis de ce qu'il leur estoit advenu et de la grande perte qu'ils avoient eue. Et quant ils eurent là séjournet une espasse, Charles de Behengne vint au roy et print congiet de tous les aultres barons ossy, pour aller en son pays. Et après lui print congiet le conte de Namur, et puis monseigneur Jehan de Haynault et monseigneur Loys de Flandres. Et ainsy

deraoura le roy de France à Amiens tout seul, sans corapaignie de princes, de ducqs et de contes ; et s'il demoura esbahy et fort pensif, ce ne fut pas merveille, quant il avoit perdu son frère et la fleur du royalme de France.

CXXVIIII* HYSTOIRE.

Comment le roy de France se party de la cité d'Amiens pour l'infection des chevaulx navrés qu'on y avoit amenés, lesquels raorurent, et comment il s'en ala au Pont-Sainte-Maissence.

Quant le roy de France eult séjourné une espasse à Amiens, il s'en party pour la pueur des chevaulx qui avoient esté navrés en la bataille, s'estoient venus à séjour à Amiens, lesquels estoienttous mors. Sy s'en ala le roy au Pont-Sainte-Maissence, lanuit Nostre-Darae, en septembre. Et en ce jour vint le duc de Normendie à Paris, à tout grant plenlé de gens d'armes et de gentils hommes ; et venoit dou siège devant la ville et le chastel du Mont Aguillon, dont le duc et tous ses gens, sans riens faire de leur proufît, moult estoient lassés et travilliés de fort chevauchier pour venir à tamps à la bataille, mais non fisrent, dont il furent moult courchiés ; car ils oyrent nouvelles de la bataille à le Sousterine, à l'entrée du Lymosin, dont ils furent moult esbahis. Et quant ils vinrent à Paris, sy ne trouvèrent point le roy, et leur dist-on qu'il estoit au Pont- Sainte-Maissence. Sy chevauchèrent, luy et sa chevalerie, encontre du roy de France son père. Et encontrèrent le roy sur le chemin et le saluèrent, et parlèrent de leurs besongnes et s'en vindrent à Paris, et là séjournèrent et ordonnèrent de leurs besongnes pour le tamps à venir.

Or est vray que, quant le duc de Normandie se partit de devant le Mont-Aguillon, monseigneur Gaultier de Mauny tenoit adont ung chevalier des gens du duc en prison, pour sa renchon, lequel il rendy audit duc par tele manière que le duc donna et bailla à monseigneur Gaultier bonnes lettres souffissans séellées de son séel de bon respit et sauf conduit, de luy et du roy de France, pour aler jusques en Haynault ou jusques en l'ost du roy d'Engleterre, luy et toutte sa maisnie. Et sur ce ledit monseigneur Gaultier accoeilly son chemin pour venir en Haynault. Et assez tost après que ledit monseigneur Gaultier de Mausny eult son sauf-conduit, il se party, luy et sa maisnie, et print congiet au conte d'Erby, et chevaucha tant qu'il vint à Tours en son ostel où les chevaliers et les gens du roy de France le recongnurent et le prinrent par force. Et fut menés à Paris devant le roy, qui le fist mettre en prison en Chastelet ; et disoit le roy que son sauf-conduit ne valoit riens pour ce que monseigneur Gaultier avoit esté, depuis son sauf-conduit, à la prinse de la cité de Poitiers ; et de ce s'escusoit monseigneur Gaultier moult fort, mais riens ne luy valu.