CXXXI« HYSTOIRE

Comment la cité de Terewane fut prinse et brullée des Flamens.

Entandis que le roy d'Engleterre estoit et tenoit siège devant Callais, sycomrae piècha nous avons dit, et que révesque de Terewane guerroioit aux Flamens, avint que le lundy devant le Saint-Michiel, l'an mil CGC et XLVI, ledit évesque eult bataille encontre monseigneur Henry de Flandres et le bastard de Renty et les Flamens. Et furent avoec eulx aucuns Englecqs ; et là eult grande bataille et grande ochision, et fut l'évesque reculés en Terewane, car ce fust assés près. Et fut la eité assallye moult asprement et la porte gaingnie, et l'évesque et ses gens s'enfuyrent par l'aultre lés, et Flamens entrèrent en la ville par force, et tuèrent et prinrent ce qu'il peurent de gens, et pillèrent ce qu'ils y trouvèrent, et puis boutèrent le feu partout, et ainsy fut la cité de Terewane prinse par l'orgoel de l'évesque.