CXXXII* HYSTOIRE

Comment David roy d'Escoce fut prins en bataille en Engleterre et menés en prison, etpluseurs contes et chevaliers avoec luy.

Après celle bataille et prinse de Terewane, avint que le

XVIP jour d'octobre l'an de grâce mil CGC et XLVI, que

le roi David d'Escoce, qui avoit espousée la suer du roy

Édouart d'Engleterre, assambla tous les hauls barons,

chevaliers, escuiers, gentils hommes et aultres gens d'armes

du royalme d'Escoce ; et estoient bien IIIP* mil hommes à

cheval, parmy les archiers, pour ce qu'ils sçavoient bien

que le roy d'Engleterre n'estoit mye au pays, ains estoit au

siège devant Callais. Et disoit-on que [ce fut] par l'enort du

roy de France qu'ils entrèrent en Engleterre, en gastant,

ardant et pillant le pays, et vindrent près de Durâmes. Et

quant la royne d'Engleterre le sceult, elle assambla grans

gens et manda hastivement l'évesque de Durâmes et

l'arcevesque de Werwich, et furent bien de bonnes gens à

cheval jusques au nombre de LXX"" hommes englecqs, et

vinrent contre le roy David d'Escoce et ses gens. Et y eult

très-crueuse et très-mervilleuse bataille. Et en la fin le roy

d'Escoce y fut prins et avoec luy pluseurs autres contes et

chevaliers et presque toute la noblesse de son royalme,

et sy y mourut toute la fleur d'Escoce, et bien XL*"

hommes sans les Englecqs, dont y eult grant nombre, et

les aultres Escochois s'enfuyrent, et y eult l'arcevesque de

Werwic l'onneur ; et fist le roy d'Engleterre, qui alors

estoit devant Callais, riches tous ceulx qui y prinrent les

prisonniers.

â42 ftÉGITS.