CXXXV« HYSTOIRE

Comment Loys conte de Flandres ala en Flandres prendre possession des bonnes villes du pays comme droit hoir et seigneur de la terre.

Il advint qu'entandis que le roy d'Engleterre tenoit siège devant Callais, que Loys, conte de Flandres, par le conseil de ses bonnes villes et leur volenté, vint dedens Flandres, comme seigneur du pays, et fut rechups par ainsy qu'il les debvoit tenir et mener aux us et aux coustumes du bon conte Guion, son antécesseur. Sy luy firent grant honneur les grans et les petis, sycomme droit estoit, et comme à leur droiturier et vrai seigneur, et demeura au pays bellement

et courtoisement, et crut le conseil de ses gens et de ses bonnes villes qui luy ensaingnoient les bons poins. Et fut en cel estât de le Saint-Martin en yver jusques après Pasques, que les bonnes gens de Flandres, pour le mieulx fait que laissiet, luy acointèrent et pourcachèrent le mariage de luy et de l'aisnée fille du roy d'Engleterre, par quoy ils fussent plus fors au pays. Et tant fisrent qu'ils l'emmenèrent au roy d'Engleterre devant Callais, et tous mautalens fussent pardonnes les ungs aux aultres, et que, par la volenté dudit conte, mariage se fist entre le conte Loys de Flandres et de Ysabel, aisnëe fille du roy Édouart d'Engleterre, et furent fianchiés sans nulle maise fraude. Sy les fiança l'abbé des Dunes à Bergues en Flandres, en l'église de l'abbaye Saint- WinOch, et furent au fianchier le roy et la royne, le marquis de Jullers, le conte de Wervich, le duc de Guéries et la ducesse et pluseurs aultres, le merquedy après le my-quaresme, l'an de grâce mil CGC et XLVI \ et furent les convenances de l'une partye et de l'autre prinses, et y fist-on grant feste ; puis s'en râla le conte de Flandres en la ville de Malle en Flandres. Et entandis que le roy d'Engleterre estoit à Bergues-Saint-Winoch, vindrent au havre de Callais XX nefs chargies de pourvéances, dont ceulx de Callais furent moult aises.

' Les fiançailles du comte de Flandre furent célébrées le 13 mars 1347. Le contrat de mariage avait été signé à Dunkerque dix jours plus tôt. Edouard III donnait pour dot à sa fille le comté de Ponthieu et la Tille de Montreuil ou vingt-cinq mille livrées de terre.

On a conservé de nombreux documents relatifs aux négociations qui eurent lieu à cette époque entre le roi d'Angleterre et le comte de Flandre.