CXXXVI« HYSTOIRE

Comment le conte Loys de Flandres se party de Malle, sans congiet prendre à ses gens, et vint en France.

Ne demoura gaires après ce âancement fait, comme dessus avés oy, que le raerquedy de le sepmaine peneuse après ensiévant, que le conte Loys de Flandres eult pluseurs lettres de par le roy de France et de par le duc de Brabant qu'il se partesist de Flandres au mieulx et au plus tost qu'il peust, et s'en venist en France. Dont il avint que le merquedy de la sepmaine peneuse que ledit conte fist entendant à ses gens, entandis qu'on se debvoit aler seoir au disner, qu'il voloit aler en rivière, et se print luy troisime, et montèrent sur coursiers, et III oyseaulx sur leurs poings, et se partirent de Malle. Et quant ils vindrent loing, ils gettèrent leurs oyseaulx au vol, et puis férirent des espérons leurs chevaulx, et n'arestèrent tant qu'ils vindrent à Douay ; et s'en ala où le roy de France estoit, conter son aventure, dont les aucuns disrent qu'il avoit bien fait, et les aultres disrent qu'il avoit ouvré aultrement que à point, que ainsy s'estoit party de Flandres sans congiet à ses gens avoir pris, et que mauvais conseil il avoit crut ; car il avoit fait honte et blâme au roy d'Engleterre et à sa fille et à tout le pays de Flandres, et ossy avoit-il fait à luymesmes, car les bonnes villes de Flandres prinrent en lieu de luy, à leur gardyen souverain de toute Flandres, le marquis de Jullers, pour estre le gouverneur, tant que aultre yenroit, qui y aroit plus grant droit.