CXXXVII« HYSTOIRE

Comment Piètre le bastard de Flandres eult la teste coppée à Gand pour la trayson qu'il y cuida faire ou nom du roy de France qui luy avoit donnet grant somme de flourins pour faire esmouvoir et meutiner le commun de Gant l'un contre l'autre.

Après ce partement du conte de Flandres, comme dessus est dit, avint le saraedy après le Sainte-Croix en raay l'an de grâce mil IIP et XLVII, que Piètre le bastard de Flandres, à la prière et requeste du roy de France et du conte de Flandres Sse fist ung esmeutin en Flandres pour faire le commun entretuer et nomméeraent ceulx de Gand ; et en avoit rechut grande quantité de flourins pour donner à ceulx qui luy pooient mieux aidier à faire celle trayson, et dévoient faire ce quant les tisserans et les foulons fussent tousassàmblés en la place oùils avoient acoustumés à estre \ la matinée, en pluseurs lieux, tous appariUiés et cryer un nom mervilleux et dreschier pluseurs bannières et estandars des armes du roy de France ; et sy debvoient tuer celles menues gens. Et entandis les François debvoient tous estre apparilliés pour entrer en la ville tant qu'ils eussent la ville prinse et mise au dessoubs et en subjection.

Et tant fist Piètre le bastard qu'il en eult pluseurs de son acord, puis vint au bailly de Gand qui avoit fait serment au conte de Flandres et à la ville, et se descouvrit à luy de son malice et luy donna ung grant nombre de flou-

' Il y a ici évidemment une lacune.

2 Autre lacune qui rend la phrase incomplète.

rins. Et le bailly respondy qu'il en feroit son pooir, sauf l'onneur de son seigneur.

Adont se party le bastard et dit qu'il se hastat. Et quant ce vint le lendemain, le bailly ala en la halle et assambla le conseil et se pensa qu'il valoit mieulx que ung seul homme morust que XX mille. Or compta au provost et aux seigneurs toute la besongne ainsy que le bastard luy avoit contet et dite, et que sur ce les seigneurs regardassent qu'il en estoit bon à faire ; « car, dit-il, j'en ay rechupt « une grande masse de flourins pour y favourisier. »

Et adont mandèrent les seigneurs Piètre le bastard et luy demandèrent se c'estoit voir ce que le bailly leur avoit dit, et il dist tantost que oyl, et qu'il avoit et aymoit plus chier à morir XX fois pour l'onneur du conte de Flandres que ce que le roy d'Engleterre fusist jamais seigneur de Flandre. Et son intention, détraction et trayson de luy confessée et oye, on le juga à morir de pluseurs tourmens et de diversses mors ; mais le marquis de Jullers y sourvint, qui pria tant et requist aux seigneurs de la ville de Gand qu'on modéra et mitiga ; et se passa-on qu'il n'eust que la teste coppée pour l'onneur de gentillesse. Sy luy coppa-on." Et fut puis la ville et le pays de Flandres sur sa garde *.

• Oa ne trouve dans les chrouicjues de Froissart aucune mention de ce complot.

CXXXVIIP HISTOIRE.

La venue du roy de France à Amiens et à Aras, et la grande assarablée inombrable de gens d'armes et de communes qu'il y fist.

Vray est que la première sepmaine de may, l'an de grâce mil IIP et XLVI, Philippe de Valois, roy de France, vint à Amiens à tout ses osts, et puis à la Pentecouste après ensiévant vint à Aras à tout moult grande quantité de gens d'armes, de ducqs, de contes, de chevaliers et de gentils hommes, sycomme le duc de Normendie, son fils, le duc de Bourgogne, le duc de Bourbon et son frère, le conte d'Erminac, le conte de Flandres, le conte d'Aussoire, le visconte de Melun , monseigneur Aufour d'Espaigne et monseigneur Jehan de Haynault. Et assambla le roy toutes ses communes, et fist mander tant de gens qu'il n'en fut nul nombre, pour secourre ceulx de Callais et pour dességier et encachierleroy d'Engleterre et ses gens hors du royalme de France, s'il pooit. Et séjourna à Aras environ ung mois, et à fait que ses gens venoient, ils les envoioit ens es frontières vers Aire, vers Béthune, vers Saint-Oraer, vers Lille et partout où il savoit ses ennemis : èsquels lieux il y eult maints assaulx et maints hommes navrés, affbllés, prins et tués, et maintes églises, fortresses et villes pillyes et arses, dont ce fut pité.

CXXXVIIIIe HYSTOIRE.

Le mariage du duc de Guéries à la fille du marquis de JuUers.

En ce tamps avint le dimence devant le Pentecouste au siège devant Callais que ung mariage fut fait du duc de Guéries, dont le roi d'Engleterre estoit oncle, et de la fille du marquis de Jullers, dont la royne d'Engleterre estoit tante, lesquels furent espousés l'an de grâce mil CGC et XL VII, le jour devant dit, à grant feste et à moult grant déduit ; et furent et couchèrent XV nuis ensamble, mais je ne sçay se riens y firent. Dont print le duc de Guéries congiet pour aler en son pays, et laissa sa femme avoec la royne et avoec sa mère. Et puis s'en ala droit au duc de Brabant et luy conta comment il avoit ouvret. Et le duc luy respondy et dit que sa fille debvoit estre sa femme parles convenencesqui avoient esté faites du vivant du duc de Guéries son père et du duc de Brabant, et luy requist qu'il procédast et alast avant audit mariage. Lequel josne duc respondy que sy feroit-il hastivement, et furent les convenences faites et renouvelées, et demeura aiusy une espasse de tamps, ne oncques puis ne râla après sa femme : dont le roy d'Engleterre et la roine et le marquis de Jullers et tous leurs amis furent moult courouchiés, mais peu en firent de samblant.