CL« HYSTOIRE
Comment les gens du roy de France cuidèrent reprendre sur les Englecqs la ville et le chastel de Calais.
Il avint environ le premier jour de jullet mil CGC et XLVIII, que ung Lombart nommé Aymery de Pavie, qui estoit de par le roy d'Engleterre chastelain du chasteau de Calais, vint à Lille par devers monseigneur JofFroy de Carny, qui y demoroit, et traita et marchanda avoec luy de livrer Calais à certain jour pour la somme de XV mille vies escus d'or, puis s'en râla Aymery à Calais. Et monseigneur Joffroy s'en ala par devers le roy de France, et luy recorda celuy traictiet, dont il eult grant joye, et dist à monseigneur JofFroy de Carny qu'il esploitast la besongne etqu'ily alast sy bien pourveu de gens et de monnoye « que « vous rayés la ville et le chastel de Calais, que tant je « désire. » Et se partymonseigneur JofFroy etvint àTournay
OÙ il fist forgier le payement ; puis vint à Saint-Omer, où il fist sa semonse de gens d'armes secrètement. De laquelle chose et paction faite, le roy d'Engleterre fut bien informés de point de jour et d'heure que l'emprise se devoit faire ; sy vint à Calais et y entra tout quoyement, bien pourveu pour deffendre la ville contre ses ennemis. Et monseigneur JofFroy de Carny se party de Saint-Omer, et avoit tant chevauchiet la nuit devant qu'il estoit venus jusques à Ragnies, et menoit bien V" hommes ordonnés en III connestablies, car il en y avoit à Licques et à Fiennes et à Guines, et tous au jour nommé se racordèrent-ils et trouvèrent ensarable. Et estoit avoec monseigneur Joffroy de Carny : monseigneur Jehan de Landas, monseigneur Morel de Fiennes, monseigneur Witasse de Ribeumont, monseigneur Walerant son âls, monseigneur Oudart de Renty, monseigneur Guy du Bos, monseigneur Pépin de Werre et monseigneur Hector de Bailleul et moult d'aultres, et s'embuchèrent en une vallée assés près de Calais. Et avoit Aymery, ce Lombart, capitaine du chasteau de Calais, tout conté le fait au roy Édouart, et à l'heure ditte des II pactionneurs, monseigneur JofFroy de Carny et monseigneur Oudart de Renty entrèrent au chastel de Calais et apportèrent et donnèrent l'argent et somme dessus ditte à Aymery le Lombart. Et tantost qu'il le eust rechupt, on cloy et ferma-on la porte du chastel après eulx, et estoit la gens apparilliés qui les prinrent. Et adont on sonna ung cornet au chastel, et au son du cornet yssoient les Englecqs, et coururent sus vigoreusement aux Franchois, qui de riens ne se doubtoient et furent moult esbahis quant ils virent le roy d'Engleterre et ses gens eulx courir sus. Nonpourquant ils misrent conroy en eulx et ordonnances de batailles, car ils estoient grande quantité de gens et de
hardis chevaliers, et là commencha la bataille très-crueuse, et longuement dura. Et en celle bataille y fut tués monseigneur Pépin de Werre, ung chevalier de grant renom, et monseigneur de Crëquy et monseigneur du Bos et moult d'aultres bacelers. Et de celle bataille eschappèrent monseigneur Jehan de Landas et monseigneur Morel de Fiennes et grant plenté d'aultres. Et y fut prins monseigneur Ustasse de Ribeumont en bon contenant et en luy deffendaut sy souffisamment que tous les Englecqs s'en esmervilloient ; sy eult le pris et le chappelet au mieuls defFendant celle journée. Et sy fut prins avoecques luy monseigneur Galerant, son fils, qui moult durement fut navrés au prendre. Et ce fait, le roy d'Engleterre s'en râla et laissa pour souverain capitaine de Calais monseigneur de Beauchamp ; car les trêves dévoient assez prochainement fallir entre le roy de France et le roy d'Engleterre.
