CLI1« HYSTOIRE
Comment monseigneur Edouart de Beaugeu fut ochis en la bataille d'Ai'dre, çuidant rescoure la proye que les Englecqs avoient levée autour de Saint-Omer ; et comment monseigneur de Beauchamp, capitaine de Calais, fut prins, et les Englecqs desconfis.
Au command du roy Edouart d'Engleterre, monseigneur de Beauchamp, capitaine de Calais, se tenoit en cestuy lieu, et estoient avoec luy belle compaignie de bacelers d'Engleterre , c'est-assavoir monseigneur Richart de Versain , monseigneur de Quiquentonne , monseigneur Jehan de Calconne, monseigneur Thomas Coler, monseigneur Jehan de Beaucestre, monseigneur Jehan de Werwich et moult d'aultres, tous bacelers et aventureux. Et ossi au commandement de Jehan, roy de France, estoit en Saint-Omer, comme capitaine et gardyen du pays, monseigneur Edouart de Beaugeu, mareschal de France, et estoient droit là avoecques luy pluseurs chevaliers de France pour garder et defFendre le pays contre les Englecqs.
Sy avint que par ung merquedy de le Pentecouste, Tan mil CCC.LI, que monseigneur Jehan de Beauchamp et sa routte, environ VF hommes, se partirent de la ville de Calais, et esploitèrent tant que droit au point du jour de ce merquedy, ils furent environ Saint-Omer et coururent jusques à la porte de BouUongne et eslevèrent la proye et l'emmenèrent. Lors s'esleva la voix et le cry en Saint-Omer ; et quant le mareschal de France entendy les nouvelles, il s'arma moult hastivement et fist armer tous ceulx qui avoec luy estoient à Saint-Omer, comme saudoyers, pour le tamps d'adont.
Sy monta à cheval et fist monter ses hommes, et yssit de la ville à belle compaignie. Et avoec luy estoient le visconte de Nerbonne, monseigneur Guy de Poitiers, monseigneur Guichart de Beaugeu et son frère, le bastart de Bourbon, monseigneur Oudart de Renty, monseigneur Baudart de Cuvillier et moult d'aultres. Sy siévyrent tant les Englecqs et leur routte, qu'ils les rataindirent assez près d'Ardre ; et se misrent les Englecqs en bataille, mais ils envolèrent la proye par CC compaignons à Calais. Et les François les approchèrent, et y avoit ung fosset entre deux. Adont Edouart de Beaugeu, par grant ayr, print son glave et s'esquoella au sallir oultre le fosset ; et ainsy qu'il salloit, ung Englès luy puisa ung glave par dessoubs et luy boutta au corps ; sy l'abaty là navret à mort. Et alors ses gens moult courouchiës sallirent le fosset, qui mieulx mieulx, et entrèrent ens es Englecqs, et se combatirent entre eulx. Et se portèrent les Englecqs sy bien qu'ils retinrent V de leurs chevaliers, et les tenoient comme prisonniers, et eussent desconfi les aultres ; mais les brigans qui s'estoient partis de Saint-Omer en siévant les gens, vinrent là, et estoient bien VHP. Sy assallirent les Englecqs ; et ceulx qui prins estoient, rompirent leur prison et se misrent à deffence. Lors comraencha la bataille forte et mervilleuse, et y fut fort navrés monseigneur Guichart de Beaugeu, frère au seigneur de Beaugeu, qui tués estoit, et monseigneur Baudart de Cuviller durement navrés ossy ; mais en la fin les Englecqs furent desconfis, et y fut prins monseigneur Jehan de Beauchamp et les milleurs de sa routte et amenés à Saint-Omer. Et fut raportés monseigneur Guichart de Beaugeu en une litière, lequel ordonna de reporter le corps de son frère en son pays en Bourgongne, ainsy comme on fist ; et fut ensevely en Belleville
270 ttÉCITS.
en une abbaye qu'on appelloit Saint-Martin. La terre d'environ Belleville estoit au seigneur de Beaugeu qui trespassa dalez Ardre, mareschal de France, en deffendant le royalme pour le roy Jehan de Valois.
CLIIIe HYSTOIRE.
La mort de madame Jehenne de Valois, suer au roy Philippe de France et femme au bon conte Guillame de Haynault, de Holandes et de Zélandes.
Après ceste advenue dons nous venons de faire mention, le roy Édouart d'Engleterre envoya à Calais grant quantité de saudoiers.
Et en ce tamps trespassa madame Jehenne de Valois, mère à madame Philippe la royne d'Engleterre et de madame Margueritte contesse de Haynault, vefve de feu Loys empereur des Romains. Et trespassa de ce siècle l'an de grâce mil IIP et LU le XIIIP jour de mars. Sy fut ensevelie en l'abaye de Fontenelles dalez Valenchiennes où elle avoit demouré puis le trespas du bon conte Guillame son mary.
Or vous parlerons des avantures et advenues de France et qui meult le roy Jehan de France d'enhayr le roy Charles de Navarre et de l'encachier de son roialme de France ; mais avant ce les Englecqs prinrent le chastel et la ville de Guines.
