CLVI« HISTOIRE

Comment Charles roy de Navarre fut banis du royalrae de France.

Tantost après ce que le roy de France eult pardonné son maltalent au roy Charles de Navarre, sycomme vous avez oy, un g quidem fut, qui rapporta et dit au roy de France que le roy de Navarre tendoit et le voloit empoisonner et

RÉCITS. â75

mettre à fin. Sy fut tellement le roy de France enflâmes et indinés sur luy, que plus n'en peult. Et s'il avoit esté courouchiés et attainés pour le fait de devant sur le roy de Navarre, encore au présent et de rechief le estoit-il plus, et le print en plus grant hayne, et tant et sy fort le hay que bien le monstra puissedy, car il le fîst banir du royalme de France et tout le sien hors expulser. Et ne se pooit ledit roy de Navarre escuser, ne purifier de ces parolles, car ou ne le voloit en ses escusations point oyr ; ains le convint tout prestement et hastivement widier et partir du royalme de France. Et s'en vint en Avignon à moult privée maisnie, et là se tinst-il en l'ostel du cardinal Guion de BouUongne, qui luy fist grant joye, lequel le mena au pallais devers nostre Saint-Père le pappe Ygnocent, qui lors estoit en Avingnon, et se confessa à luy, ainsy que bon et salutaire luy fut.