CLVII« HYSTOIRE

Ung eavoiement du rey Jehan de France et du roy Edouart d'Engleterre à nostre Saint-Père.

Durant le tamps que le pappe Ignocent estoit en Avingnon, les II roix de France et d'Engleterre eurent conseil sur le fait de leur descord, chascun en son pays, et tant qu'ils envoyèrent chascun en droit soy pluseurs ducqs et contes et arcevesques et évesques et grans seigneurs au Saint-Père qui estoit pour lors en la cité d' Avingnon, pour eulx mettre à accord, disans qu'ils tenroient ce que nostre

Saint-Père et eulx en ordonneroient. Et en parlementa-on

très-longuement. Et en fin et pour conclusion ne peurent estre d'accord pour les grandes et excessives demandes que le conseil du roy d'Engleterre faisoit. Sy demeurèrent ensement tout le tamps jusques après Pasques, et les trêves deb voient fallir à le Saint- Jehan-Baptiste après.