CLVIII« HYSTOIRE
Comment Charles roy de Navarre se party hors d'Avingnon avant que les embassades des II roix de France et d'Engleterre fussent venues à la cité pour parler au Saint-Père,
Quant le roy Charles de Navarre entendit que monseigneur le duc de Bourbon et l'arcevesque de Rouen, chancelier de France, et leur routte s'en venoient en Avingnon en instance de paix, il s'avisa que point il ne les attenderoit pour tous périls évader, et pour ce ossy qu'il hayoit moult mervilleusement l'arcevesque de Rouen, car on disoit que par luy avoit-il cel encombrier ^ Sy wida Avingnon, quant il eult prius congiet au Saint-Père et aux cardinaulx, et fist tant qu'il vint au royalme de Navarre et droit en la cité de Pampelune où il fut festoies et rechups à moult grantjoye.
* Pierre de la Forest, cardinal, archevêque de Rouen et chancelier de France. Ces fonctions lui avaient été enlevées en 1357 à l'époque où le roi de Navarre exerçait une influence prépondérante d'accord avec Etienne Marcel.
CLVIIIIe HYSTOIRE,
Comment la solempnité et consécration de monseigneur Charles de Behengne fut faite à Rome, et comment il fut couronné comme empereur du cardinal d'Ostye.
Le jour de la solempnité de Pasques l'an de grâce mil lll<= et LV fut couronnés et consacrés à Rome le Grant monseigneur Charles de Behengne à empereur des Romains par l'acord du clergiet et des Romains et des Lombars par le cardinal d'Ostye : de laquelle consécration le roy de France eult très-grant joye, car il en entendoit et espéroit à estre grandement contre les Englecqs aidiés et confortés, pour ce que le dit Charles de Behengne hayoit les Englecqs parfaitement pour cause qu'ils avoient tué le roy Charles de Behengne son père en la grande bataille entre Cressy et la Broyé.
CLXe HYSTOIRE.
Comment le roi Jehan de France envoia les Escochois en Engleterre pour grever et gaster le pays à tout grant quantité de gens d'armes franchois.
En celuy tamps avint que les Escochois entrèrent en Engleterre pour grever le pays, et avoient avoec eulx bien XV mille Franchois saudoyers, lesquels le roy de France avoit envoies en Escoche à la pryère des barons d'Escoche. Sy en estoit de par le roy de France conduiseur et capi-
taine monseigneur Jehan de Garonsière ung bon chevalier et de grant pris, Cestuy eult avoec luy grantplenté d'Escochois qui entrèrent en Engleterre. Et contre yceulx se mist le prince de Galles à tout grant quantité de bons gens d'armes. Sy furent les Escochois tous desconfis, mors et pris. Et eschappa à moult grant paine monseigneur Jehan de Garensière qui retourna arière en France desconfis et desbaretés. Et le prince de Galles retourna en son pays à moult grant joye.
