CLXIIII.« HYSTOIRE

Comment le roy de France envoia le mareschal d'Audrehem par devers le roy d'Engleterre pour avoir journée de bataille.

Quant le roy d'Engleterre fut revenus, luy et son est, dedens Callais, ils eurent en conseil qu'ils wideroient hors de la ville et qu'ils se logeroient aux champs, eu attendant leurs ennemis. Et quant le roy de France le sceult, il assambla son conseil et demanda comment au plus honnourable pour luy et pour son conseil il en poroit user. Sy fut conseilliés, et luy dist-on : « Sire, vous avés-cy avoecques « vous toute vostre puissance. Mandez la bataille au roy « d'Engleterre ; bien créons qu'il le vous ottroiera. » Ad ce conseil s'acorda le roy, et esHsit-on monseigneur Ernoul

d'Audrehem, mareschal de France, pour faire et furnir ce message. Et monseigneur Ernoul, au commandement et au plaisir du roy, se party de Saint-Omer et vint devant Calais, où le roy d'Engleterre et les siens estoient. Dont vint le mareschal devant le roy d'Engleterre, et l'enclina et salua moult honnourablement, et, de par le roy de France, son souverain seigneur, demanda la bataille, et dit que pour ce estoit-il là envoyés. A la parolle du mareschal ne respondy riens le roy d'Engleterre. Dont s'avancha de parler monseigneur le duc de Lencastre; sy dist : « Maresce chai, nous nous combaterons à la volonté et provision « de nos amis et non à la volenté de nos ennemis. ^ » Ce fut toutte la response qu'il reporta au roy de France, qui pas ne s'en tint bien liés, car il veoit qu'il avoit bien IP et L mil hommes, tous à ses gages et à ses frais, sans les communes des bonnes villes, qui estoient sans nombre ; et sy ne se osoit partir de Saint-Omer, ne eulx donner congiet, car il ne savoit, ne ne pooit perchevoir que le roy d'Engleterre suposoit à faire. Et assez tost après, le roy d'Engleterre eult nouvelles que les Escochois regaignoient en Escoce ce qu'il y avoit conquis, et qu'il s'en ralast. Sy se party et laissa à Calais le conte de Norvych * à tout V" hommes à cheval et XII= archiers.

• Froissart rapporte à peu près dans les mêmes termes la réponse d'Edouard III (Chron. t. V, p. 331).

* D'après Froissart, ce fut le comte de Salisbury qui fut chargé de la garde de Calais.

CLXVe HYSTOIRE.

Comment le voy de France qui estoit à Saint-Omer, donna congiet ses gens et s'en revint tout droit séjourner à Paris.

Quant le roy de France qui estoit à Saint-Omer, oyt recorder les nouvelles que le roy d'Engleterre s'en estoit raies en Engleterre et que quant à celle saison il n'en feroit plus, de quoy le roy, en l'heure qu'il le sceult, donna à ses gens congiet : premièrement à ses communes, secondement aux Allemans dont il tenoit grant plenté, tiercheraent à ceulx de France. Et puis séjourna-il VIII jours à Saint-Omer. Après se partirent luy et le roy de Navarre et le daufïîn de Viane son fils et ses aultres III enfFans et tous les aultres.

Sy estably et laissa le conte de Saint-Pol en Picardie comme souverain gardyen de la contrée.

Adont retourna-il en France, et se départirent ses osts. Sy revint le roy à Paris luy raffreschir ^

Et le roy d'Engleterre à tout son ost s'en alaen Escoche, où il reconquist aucunes fortresses que les Escochois avoient reconquises.

' Il y a lieu de s'étonner de ne trouver ici aucune mention de la mort de Jean de Beaumont, rapportée par Froissart dans le chapitre oîi il raconte le retour du roi Jean à Pans.

i282 RÉCITS.

CLXVI« HYSTOIRE.

Comment le prince de Galles, fils du roy Edouart d'Engleterre, assambla son ost à Bordeaux-sur-Géronde et conquesta pluseurs chasteaux et bonnes villes sur les Franchois.

En l'an mil CGC et LV, le prinche de Galles, à tout grant plenté de gens d'Engleterre, jfist son assamfelée à Bordeaux-sur-Géronde, et estoit avoecques ]uy monseigneur Bérart de Labret ; et s'en alèrent à Toulouse, dont ils ardirent les fourbours, et à Carcassonne, laquelle ils prinrent, et là eult grant ochision, et à la ville de Tèbres, qui ossy fut prise des Englecqs et respitée de tuer et d'ardoir, ainsy comme par miracle. Et est assavoir que quant on entra dedens Tèbres, monseigneur Bérart de Labret entra en ung ostel, là où il ne avoit que la dame de léens, car son mary et les gens de léens s'en estoient fuis ; et estoit la dame sy enchainte que de peur et de grant hide qu'elle eult quant monseigneur Bérart entra léens, elle enfanta d'un fils, et fit pryère à monseigneur Bérart que, pour l'amour de Dieu, il volsist faire baptisier l'enfant et que luy-mesmes en fust parin. Laquelle chose monseigneur Bérart luy acorda, et print luy-mesmes l'enfant envelopés en ung linchoeul et l'emporta au raoustier, et le leva, et ossy d'aultres seigneurs à sa requeste, et eult à nom : Bérart. Et ce fait, le raporta à sa mère et l'appella commère, et luy dit que, pour l'amour de son filloeul, la ville seroit gardée de tous encombriers.

Et assés tost après, print le prince de Galles le bourc de Nerbonne, là où il y eult grande ochision, et fist le

dit prince ens es marches de par delà Nerbonne de moult belles proesses, jà soit ce que le conte d'Errainac fust à Toulouse et monseigneur Jaques de Bourbon à Lymous, qui estoit connestable de France, et \y aidèrent très-mal ceulx du pays de par delà, car ils luy fallirent au besoing.

Et quant le prince de Galles eult assés ars, pilliés et essilliés de pays, et qu'il eult assés conquis d'or et d'argent, il retourna à Bordeaux sans ce qu'il eust quelque encombrier.

Et ceulx de Toulouse furent très-mal contens de monseigneur Jehan, conte d'Erminac, qui sy mal les avoit aidiés à garder contre les Englecqs \et allèrent à puissance assallir le chastel de Toulouse où le conte d'Erminac estoit, et firent tant qu'ils prinrent le chastel, et y trouvèrent IIII chevaliers et VIII escuiers des gens du conte d'Erminac, tous lesquels ils misrent à mort. Et en tant qu'on assalloit le chastel, le conte d'Erminac se sauva et s'en alla par une fenestre au lés vers les champs. Et depuis le dit conte d'Erminac guerria ceulx de Toulouse ; mais le conte de Poitiers, fils du roi Jehan de France, en fist puissedy la paix.

Et assés tost après, le roy Jehan de France esleva en son royalme, par mauvais conseil, gabelles et sucides, dont tant maints meschiefs en avinrent en France, ainsy comme bien apparut en Aras et ailleurs : de quoy le roy de France fut durement enhays en son royalme.

• Froissart reproche aussi au comte d'Armagnac de n'avoir rien fait pour s'opposer à la marche des Anglais {Chron. t. V, p. 343).