CLXVII* HYSTOIRE

Comment la hayne recommencha entre le roy de France et le roy de Navarre, et comment le conte de Harcourt eult la teste coppée luy llll® emprès Rouen, et comment le roy de Navarre futbouttés en prison au Chastelet à Paris.

Or vous dirons par quele œvre le roy Jehan de France enhay de rechief le roy Charles de Navarre, et fist au conte de Harcourt copper la teste et aux aultres chevaliers assés près de Rouen. Je ne sçay se ce fut vérité que les Navarrois eussent entrepris d'enherber ou empoisonner le roy de France, ne voloient le rendre, luy et ses enfans, aux Englecqs ; mais on dist ainsy que de ce et de pis. Le roy de France en fut bien informés sur le roy de Navarre et sur pluseurs chevaliers de Norraendie et tous ceulx qui consentans debvoient estre ad ce. Sy les eult le roy en grant hayne, comme bien le monstra ; car à une feste que le duc Charles de Normendie fist et ordonna à Rouen, le roy Jehan de France vint sans ce que les Navarrois en seussent riens. Sy fut prins séant à table le roy Charles de Navarre et menés en prison, et ossy fut monseigneur le conte de Harcourt, monseigneur Jehan de Graville, monseigneur Maubués et Colin de Bleville. Ces IIII eurent assés près de Rouen les testes coppées, au commandement du roy de France, lequel y fut présent, et fut faite ceste chose en ung repus samedy en quaresme, l'an de grâce mil CCC etLV.