CLXVIII* HYSTOIRE

Comment le roy de Navan^e fut menés prisonnier à Paris en Chastelet, et comment monseigneur Philippe son frère et pluseurs aultres chevaliers deflSèrent le roy de France.

Quant le roy Charles de Navarre fut prins au commandement du roy de France, il fut moult mervilleusement amenés à Paris et mis en destroite prison en Chastelet où il rechut et eult moult de hontes et de grieftés ; mais, ainchois que le roy Jehan de France se partesist de Rouen, il fut defFyés de par monseigneur Philippe de Navarre frère audit roy de Navarre et de XXII chevaliers tous confortans le dit Philippe de Navarre et nuysans la couronne de France, Mais le roy Jehan de France n'en fist pas lors trop grant conte, ains dit qu'il en prenderoit aultrement vengance et qu'il reconquesteroit toute la terre d'Évreux, laquele terre estoit au roy de Navarre, se luy torroit et le renderoit à son fils le duc Charles de Normendie.

Dont se party le roy hors de Rouen, et s'en revint en la cité de Paris, et manda sa fille, laquele le roy Charles de Navarre avoit à femme. Sy le retint avoecques luy, et dist que le roy de Navarre ne gerroit jamais par dalez luy , et ordonna gens pour entrer en Normendie et reconquerre la conté d'Évreux, et y envoia monseigneur Charles duc de Normendie son aisné fils, et le comte d'Anjou son aultre fils, et le conte du Maine, le duc d'Orliens, le conte de Tancarville, le duc d'Ataines, connestable de France, le conte de Dammartin, le conte d'Estampes, le conte de

â 86 RÉCITS.

Jenville, le comte de Jony, le conte d'Aussoire, le conte de Sanssoire, le conte de Mont-Ventadour et de Montpensier et tant maints aultres barons et seigneurs du royalme de France. Sy esploitèrent tant qu'ils s'en vindrent à Évreux et assiégèrent la cité et le chastel.

Sy debvez sçavoir qu'à Evreux la cité et le chastel qui estoient au roy de Navarre, tindrent les barons de France et les gens d'armes une espasse de tamps à siège devant la ville.

Et entandis le roy Jehan de France eult volenté d'eschangier la prison au roy de Navarre pour luy faire plus de grieftés, et l'envoia en ung chastel assez près de Douay, qui est nommé AUeue ', et là le fist moult longuement tenir et sceurement garder.

CLXVIIII* HYSTOIRE.

Comment la cité d'Evreux se rendit au roy Jehan de France.

Tandis que la cité et le chastel d'Evreux estoient assiégiés, le roy Jehan de France rescripsoit souvent à son fils Charles duc de Normendie en priant que la cité et le chastel d'Evreux peussent estre prins ; et le duc lui rescripsoit qu'il en faisoit son pooir, et tous ceulx de sa compaignie. Mais Pierre de Saquenville estoit dedens, et grant nombre de gens d'armes qui bien les defFendoient.

Et sachiez qu'en ce terme vint à grosse nafvie en l'isle de Constentin le duc Henry de Lencastre, lequel estoit

* Ârleux.

allyés à Philippe de Navarre, et amena avoec ly grant plenté de gens d'armes pour venir lever le siège du duc de Normendie ; et se tenoit Philippe de Navarre et ses gens à Breteul.

Et quant le roy Jehan le sceult, il manda gens à tous lez tant que sans nombre, et vint devant Évreux, et renforcha le siège, et y fist souvent assallir, dont ceulx de la cité furent tous esbahis ; mais, quant Pierre de Saquenville vid tout ce, il eult parlement à Jehan de Clermont et à Ernoul d'Audrehem, mareschal de France, lesquels firent tant que Pierre se partit à tout le sien, et rendit la cité au roy Jehan de France, dont Sansse Loppin qui estoit chastelain et capitaine du chastel, en fut moult courouchiés.

CLXXe HYSTOIRE.

Comment Sansse Loppin, longuement après ce que la cité d'Evreux fut i-endue, pareillement rendy le chastel d'Evreux au roy de France, saufve son corps et ses biens et ceulx de ses gens.

Après que Pierre de Saquenville eult rendu la cité d'Evreux, ainsy que vous avez oy, le roy Jehan de France fist assallir au chastel moult fort et moult souvent ; mais Sanse Loppin, capitaine et chastelain du chastel d'Evreux, moult fort et moult vigoreusement le déffendoit, car tousjours attendoit et cuidoit que les Navarrois deussent venir dessiégier les François, lesquels Navarrois estoient à Breteul. Et ainsy longuement se tint ; mais en la fin, quant il vid qu'il n'aroit point de secours, il rendy la forteresse, et s'en party, luy et toutes ses gens et leurs biens, et s'en alèrent au chastel de Bretoeul où ils trouvèrent Philippe

de Navarre et grant plenté de gens d'armes, lesquels ne se osoient partir, ne ijougier d'entour de là, pour la doubte de l'ost du roy Jehan de France.

CLXXP HYSTOIRE.

Comment le roj Jehan de France siévj Henry de Lencastre et tous ses Englecqs et les cacha jusques à Laigle eu Normendie.

Quant le roy Jehan de France sceult de vray que les Navarrois et les Englecqs estoient en la ville et au chasteau de Bretoeul et environ, il jura qu'il yroit assiêgier Bretoeul, et fist tout trousser et quaryer et chevauchier pour aler vers celle part. Et quant Philippe de Navarre et GodefFroy de Harcourt sceurent que le roy venoit celle part, ils se partirent et s'en alèrent par devers le duc Henry de Lencastre vers Constentin, tout pillant, exillant et brûlant, et par devers Vernon.

Et quant le roy Jehan le sceult, il fist aler après, et 'les siévy jusques à Tuebeuf et là les encacha, et de là droit à Laigle en Normendie. Et ne pooient aler oultre, ne plus avant, et adont mandèrent au roy Jehan de France bataille à lendemain, et le roy leur accorda, et fut par ung joeudy.

Et lendemain le roy fist armer ses gens et rengier, et cuidoit avoir bataille, et demoura sur les champs jusques à nonne. Adont envola le roy vers Laigle pour scavoir que les Englès et les Navarois voloient faire et s'ils ne voloient point venir à bataille, et on luy rapporta qu'ils s'en estoient fuis dès la mye-nuit.