CLXXII« HYSTOIRE

Comment la ville et le chastel de Bretoeul se rendirent au roy Jehan

de France.

Quant le roy Jehan de France sceult les nouvelles que ses ennemis s'en estoient fuis, si comme nous venons de faire mention, il retourna à tout son ost, et s'en vint devant Breteul et y mist le siège et le fîst assallir ; mais Jehan Carbeniau et Saiîsse Loppin qui estoient dedens de par les Navarois, moult bien et fort le deffendoient avoecques leurs gens d'armes.

Et entandis l'Archeprestre print ung chastel enNormendie. Et quant le roy le sceult, il envoya son mareschal Jehan de Clermont pour sçavoir de quel guerre c'estoit ; et il trouva que c'estoit ainsy que par larchin, et le rapporta ainsy au roy.

Et toudis estoit le siège tenus devant Breteul, et fist le roy tant remplir les fossés qu'on aloit jusques aux murs, et tant fist le roy assallir par nuit et par jour qu'il convint ceulx de dedens rendre Breteul. Sy s'en partirent et s'en alèrent vers Constentin.

Et le roy entra en Breteul et s'y raffreschit et y mist chastelain et gens pour le garder contre les Navarois ; et puis s'en vint le roy à Rouem, et donna à ses gens congiet, et s'en râla vers Paris.

Mais le prince de Galles, fils du roy Édouart d'Engleterre, fist adont son assamblée à Bordeaux-sur-Géronde pour venir en Poitou et en Touraine, et assambla II mil hommes d'armes et III mille arebiers, tant Gascons comme

Englecqs ; et tant chovauchèrent parmy Poitou et Touraine, pillant, bruUant et exillant tout le pays, qu'ils vinrent en Berry.