CLXXIII* HYSTOIRE
Comment le roy Jehan de France qui estoit à Chartres, manda gens pour aler contre le prince de Galles qui estoit en la conté de Blois.
En tandis que le roy Jehan de France séjournoit à Chartres, nouvelles luy vindrent que le prince de Galles estoit entrés au royalme. Adont manda le roy le duc Charles de Norraendie son fils qui estoit deraourés à Rouein, et aussy à ses aultres enfans, qu'ils venissent à Blois et qu'ils amenassent ce qu'ils pooient avoir de gens. Et aussy le roy manda tous les seigneurs du royalme et tout pour aler à rencontre du prince de Galles.
CLXXIIII« HYSTOIRE.
La bataille de Poitiers où le roy Jehan de France fut prins, et presque tous les seigneurs, ducqs, contes, viscontes et chevaliers du l'oyalme de France, et tous les aultres seigneurs et gens d'armes mors et desconfis.
En l'an de grâce mil IIP et LVI, le XIX^ jour de septembre, s'en alla le roy Jehan de France à tout bien L mil hommes vers Poitiers pour combatre le prince de Galles, fils du roy Édouart d'Engleterre, lequel prince estoit en
ces marches-là à tout bien VII mil hommes, et yllec eult très-crueuse , très-fière et très-mervilleuse et périlleuse bataille. Et y fut desconfit le roy de France et sa compaignie. Et y fut prins le dit roy de France, et avoec luy Philippe, son fils, monseigneur Jaques de Bourbon, le conte d'Eu, le conte de Jenville et de Waudyraont, le conte de Jony, le conte de Mont-Ventadour et de Montpensier, le conte de Longueville, le conte de Brose, le conte de Dammartin, le conte d'Estampes, le conte cambrelens de Tancarville et tant d'aultres chevaliers et baronnie que les Englecqs estoient tous ensonyés et erapeschiés de les garder et tenir prisonniers. Et y eult bien ochis le nombre de XIF hommes d'armes, que seigneurs et chevaliers, que aultres. Et s'y en y eult de prins bien le nombre de VIII% tous de renommée. Et entre les aultres y furent mors le duc d'Ataines, conte de Bryane et de Liches, connestable de France, monseigneur de Landas, monseigneur Guichart de Beaugeu, monseigneur Anthonne de Quodun, monseigneur Witasse de Rybeumont, monseigneur Pierre, duc de Bourbon, monseigneur l'évesque de Chalon, monseigneur Pierre de Duras, prochain au roy, monseigneur du Pleissy, monseigneur JoiFroy de Carny, monseigneur Joffroy de Saint-Ligier, monseigneur Guillaume de Nielle, monseigneur de Chasteauvillain, monseigneur Jehan de Vregy, monseigneur Renault de Pons , monseigneur Grimoton de Chambely , monseigneur Guillaume de Montagut. Et encore y furent prins le conte Jehan de Nasce, le conte de Salebruce et le conte de Nido et monseigneur Ernoul d'Audrehem, mareschal de France : sy se party monseigneur Gaultier de Dour qu'on dit de Chastillon. Et lendemain que le prince de Galles se fut party de la place oîi la bataille avoit esté, ceulx de Poitiers alèrent querre les nobles qu'ils congnois-
soient, qui estoient mors, et les ensevelirent en la ville de Poitiers en plusieurs lieux, comme il appert aux Cordeliers à Poitiers. Et pour les aultres gens, ils firent ung grant charnier et les ensevelirent là dedans. Et s'en râla le duc de Charles de Normandie et son frère à Paris, et furent le roy de France et Philippe le Hardy, son fils, et les aultres seigneurs menés prisonniers en Engletarre. Et fut logiés le roy Jehan en ung moult bel ostel, nommé l'ostel de Savoie, assés près de Londres, et aloit parmy Engleterre juer et esbanoyer de place en aultre, et fut très-grandement festyés et honnourés du roy et de la royne d'Engleterre et des aultres grans seigneurs d'Engleterre. Et les aultres seigneurs de France furent tenant prison en la cité de Londres, où ils finoient de leurs renchons. Et en celle saison, mil IIP et LVII, à le Saint- Jorge, fut à Windesore une feste sy noble et sy riche qu'on n'avoit en grant tamps point veu de sy noble et sy triompheuse feste que celle fut, et fut ordonnée, disposée et publiée ens ou nom du roy Jehan de France.
