CLXXV» HYSTOIRE
Comment, après la prinse du roy Jehan de France devant Poitiers, Charles son aisné fils duc de Normendie fut régent de France, et comment les III estas furent en Paris pour conseiller le royalme, et comment par le conseil du provost des marchans de Paris le roy Charles de Navarre fut mis et délivrés hors de prison.
Quant le duc de Normendie et son frère furent revenus dedens Paris, ils se tenoient moult esbahis et fort simples et courouchiés de la prinse du roy Jehan leur père. Et non
«ÉciTS. 293
pourquant, par l'advis et conseil qu'ils eurent de pluseurs nobles du royalme de France, ils se portèrent et raaintindrent et monstrèrent au plus bel qu'ils peurent. Sy emprint Charles le duc de Normendie, aisné fils des enfans du roi Jehan de France, le royalme à gouverner, et le nommoit-on : régent.
En ce terme furent ordonnés les III estas de France, de prélats, de nobles et de bourgeois, par lequel conseil et avis les III estas délivrèrent le roy Charles de Navarre de prison qu'on avoit fait tenir en la Leue-en-Palluel dalez Douay : par laquelle délivrance advindrent puissedy maintes persécutions, destructions et ochisions en France, et maints gl-ans anoys, ainsy comme vous orez chy-après. Et fut délivrés à l'instance du provost des marchans de Paris et de son conseil, qui n'aymoient pas trop le duc de Normendie, ne son honneur. Et depuis la délivrance du roy de Navarre, il fut conduit du seigneur de Picquegny à Amiens, où il fut rechupt à joye ; et en tandis onluy fist sa paix au duc de Normendie, et fut amenés à Paris : sy luy pardonna le duc son maltalent. Et après celle totalle déliyrance et que chascun des III estas s'en furent raies et retournés ung chascun en leurs lieux, ledit roy de Navarre prescha, adrescha, acointa, incita et fit tant par ses belles, doulces et emmiellées parolles, que tout le peuple de Paris fut conclud, résolut et bien volut à luy et à sou amour ; puis se partit ung petit après, et s'en vint en Normendie visiter sa terre et sa conté d'Evreux.
Et endementiers avint grans troubles et grans ennois sur les mareschaux de France dedens Paris.
