CC« HYSTOIRE

Comment le pappe Urbain resgna, et comment on fut grande espasse en consitoire pour enchargier la croix d'oultre mer, et comment le nouveau pappe Urbain, le roy de France, le roy de Chippre et pluseurs aultres grans seigneurs le prinrent en volenté d'aler sur les Sarasins.

Après que le pappe Urbain fut consacré, couronné et ordonné en l'office, dignité et magesté pappale, il gouverna et resgna moult dignement, saintement, bénignement.

dévotement et moult très-humblement l'Église et siège apostolicque, et fist grâce aux clercqs. Et passa l'y ver, et, en quaresme on ne faisoit fors que estre en consistoire pour enchargier la croix. Dont, quant ce vint le jour du Grant Vendredy, après le saint service, le pappe Urbain bailla la croix rouge d'oultre-mer au roy Jehan de France, lequel roy l'encharga emmy le palais du pappe, veant et devant tous, moult humblement et volontiers, et luy fut baillie comme au chief, mais il ne la coronna, ne parfist pas, car il trespassa en dedens l'année. Et après le roy Jehan, l'encharga le roy de Chippre et le bon conte d'Eu, le conte de Dammartin, le conte de Tancarville, le grant pryeur de France et le beau Boucicault de Blois. Et leur donna et bailla et signa le Saint-Père ou nom du doulx Jhésu-Crist, fils de la Vierge prescieuse, digne et sacrée mère très-glorieuse. Et sy l'encharga ossy le cardinal de Pieregoth,.qui estoit chief de l'Église, pour le tamps, après le pappe ; mais il ne fit point le saint voiage, car il trespassa ossy en dedens ladite année. Et de commenchement avoit prins et conquis sur les Sarasins le bon Pierre, roy de Chippre, le port, havre, bourc, ville et chasteau de Satalye, et y estoient ses gens dedens en garnison, et par toutes les fortresses de la terre. Et fut ceste sainte intention et croisiation faite l'an de grasce mil IIP et LXIII, le jour du Saint Vendredy, après le service et la sainte colation, exortation et prédication que fist le Saint-Père pappe Urbain. Et de là se party le bon Pierre, roy de Chippre, et s'en ala en Savoie ; et luy promist le duc de Savoie que, se le saint voyage se faisoit, qu'il yroit, et puis s'en vint le roy de Cyppre en Normandie par devers le roy Charles de Navarre , et puis en Engleterre devers le roy Édouart ; et puis s'en ala à Bordeaux

devers le prince de Galles. Lequel roy de Chippre incita, enditta , enorta et monstra pluseiirs belles et bonnes raisons aux princes dessusdis, puis son partement de Savoie, affin de les inciter qu'ils volsissent prendre la croix et entreprendre le saint volage, en accroissemeat de la crestienté et en la rémission des péchiës, et à l'exaltation, dévotion et augmentation de Sainte-Église ; mais ils n'y volurent entendre.