CCV« HYSTOIRE

Comment Charles roy de Navai're avoit envoie! pour garder sa terre en Normendie grant plenté de gens d'armes.

En ce taraps que le roy Jehan de France estoit trespassés en Engleterre, le roy Charles de Navarre avoit envoiet en Normendie le catal de Beuf, comme son lieutenant, et monseigneur Jean Joyel et le bascle de Maruel, et sy fut avoec eulx Pierre de Sacquenville pour garder sa terre et pour, guerrier les Franchois à tout grande quantité de gens d'armes, Navarrois, Gascons et Englecqs, et avoient volenté de venir à Kains pour agaitier le roy, quant il y yroit à son sacre et à son couronnement.

CCVI« HYSTOIRE.

Comment le duc de Normendie envola gens contre ceulx que le roy de Navarre y avoit envoyés.

Charles, duc de Normendie, l'aisné des fils du roy Jehan de France, qui adont devoit aler à Raims pour estre sacré comme roy, sceult ce que les gens du roy de Navarre

avoient fait et ce qu'ils avoient enpensé de faire. Sy envoia contre eulx monseigneur Bauduin d'Anequin, monseigneur Bertrand de Claiquin, le conte d'Aussoire, le visconte de Beaumont , le seigneur de Baugensy, l'Arceprestre, le soudic de Latrau, Dymart de Clermont, Aymon de Poumier, gascon.

Adont avoit ung hërault en France, lequel on nommoit Fauchon, qui estoit moult preud'homme, lequel vint par devers le catal de Beuf, et quant le catal de Beuf le vit, il dist : « Fauchon, tu soyes le bien venu, et à ossy bonne' « heure nous puisse-tu venir vir, comme tu fis à Poitiers « là où je te vis, et non aultreraent. Dont viens-tu? Dis- « nous des nouvelles ?» — « Sire, dist Fauohon, par mon « âme, je viens de l'ost de France. » Et le catal luy dist : « Quel part sont les Franchois ? » Et Fauchon luy dist : « Dechà le Pont-de-l'Arche et dechà Vernon. » — « Dis-moi, dist le catal, sont-ils grant plenté? » — « Oyl, « dist Fauchon, ils sont bien XII mille ou environ. » — « Quels gens sont-ce? » dist le catal. Et Faucon respondy : « Sire, il y est le seigneur de Basentin, monsei- « gneur Guillaume Brion, monseigneur Oudart de Renty, « le seigneur de Bastencourt, monseigneur Jehan de Viane, « Philippe \ Enguerrant d'Eudin, et sy a grant plenté d'Al- « leraans, et monseigneur Bertrand de Claiquin et monsei- « gneur Bauduin d'Anequin ; et sy y est monseigneur « Aymon de Poumier et le soudic de Latrau, qui sont « gascons. » Et quant le catal de Beuf oyt nommer les Gascons, il s'escrya à tout cler : « lo ! dis-tu voir, Fau- « chon ? » Adont print son menton, puis se frappa sur son chief, en disant : « Par la cappe de Saint- Anthoine , nous

' Le nom de famille manque.

Si

« avons estet amis et compaignons ; mais désormès nous « serons l'un à l'autre ennemis et félons. » Le catal s'esmervilloit trop de ce qu'il y avoit des Gascons, et disoit par la cappe de Saint- Anthoine que l'un contre l'autre aux cops s'esprouveroient. Et de rechief demanda où ils estoient ; et Fauchon respondit qu'ils estoient près de Coquerel, et là on les trouveroit.

Et adont se meut le catal et ses compaignons, et vindrent à Coquerel et se boutèrent serrés en ung mont dedens ung vingnoble entre hayes et fors buissons. Et derrière eulx avoit ung bosquet, et là firent-il mettre tantost leurs malles et leurs harnas ens ou bosquet, et puis fisrent III batailles : la première avoit le catal, la seconde Jehan Joyel, et la tierche eult le bascle. Et en tele manière en fisrent les François trois : la première eult Bertram de Claiquin, etdevoit aler contre le catal de Beuf ; la seconde eult le visconte de Beaumont, et la tierche l'Arceprestre, et furent d'acord, par le command de monseigneur Bertrand, de faire porter leurs malles et leur harnas delà le pont et de demeurer tous à pied, l'arrière-garde, le conte d'Aussoire et tous les François et les Gascons, et prendre XXX des meilleurs courssiers et faire adreschier au guidon du catal de Beuf. Depuis furent tant sur les champs que jusques à remontée qu'ils avoient sy chault que pour la grant chaleur ils eurent conseil de retourner delà le pont, et en retourna la plus grande partye tous rengiés et tous ordonnés.

CCVII« HYSTOIRE.

Comment les Englecqs et Navarrois furent desconfis à Coquerel l'an mil III" et LXIIII.

Quant monseigneur Jehan Joyel vid que les Franchois retournoient par delà le pont, ainsy comme nous venons de faire mention, il dist au catal de Beuf que les François estoient desconfis, et le catal luy dist que non estoient. Et touttesfois Jehan Joyel se party, luy et sa routte, raaugrë le catal, et quant le catal vid ce, il dist que jà ne se combateroit sans luy, et adont le siëvy tout rengiés et ordonnés. Et quant les François les virent hors de leur fort, ils en furent moult lies, et retournèrent rengiés et serrés en bon aroy , leurs batailles toutes ordonnées. Et adont perchut bien le catal qu'il avoit fait mal d'estre sy eslongiés de son fort. Dont commenchèrent les Englès à traire, et les XXX François à cheval vindrent au guidon du catal qui estoit bien gardés ; mais certainement les François parmy leurs aydes le prinrent, l'abatirent, le destachèrent et jettèrent par terre. Et là fut prins le catal, et bien loyés et emmenés delà le pont, et jura de tenir prison et à estre prisonnier. Et depuis y eult forte bataille, mais finablement Navarrois et Englès furent vaincus et desconfîs, et n'en eschappa onques pied de toute ceste bataille qu'ils tous ne fussent mors ou pris. Et cela fut au champ qu'on dist de Coquerel, où il y a maints buissons, et fut ceste bataille et desconfiture faite par ung joeudy l'an de grâce mil IIP LX et IIII, XVP jour du mois de may, et y morut de par les Franchois monseigneur

Bauduin d'Anequin, et l'Arceprestre s'en ala luy IIP, et ses bauières et ses gens deraourèrent au champ , de quoy ses gens s'esmervillèrent moult.

CCVIII« HYSTOIRE.

Comment le roy Charles, aisné fils du roy Jehan de France, fut sacrés

à Raims.

L'an de grâce M.IIP.LXIIII, le XIX' jour de may, fut consacrés et couronnés à Raims, Charles, roi de France, en ung jour de la Trinité ; sy l'adestroient le roy Pierre de Chippre, monseigneur Winselin de Boesme et de Luxembourg, duc de Brabant, son oncle, et dalés luy le duc d'Ange son frère, et à l'autre lés estoient le duc Philippe de Bourgogne, le conte d'Eu, le conte d'Estampes, le conte de Dammartin et tant de chevaliers et seigneurs que sans nombre. Et séjourna II jours à Raims, et puis s'en vint à Saint-Denis, et puis au Louvre, pour son corps aisier, puis envoia la royne qui avoit esté sacrée avoecques luy, à Melunsur-Saine.

Et adont manda Bertrand de Claiquin, puis s'en ala à Rouen ens ou chastel, où il se reposa et aisa, et fist copper à Pierre de Saquenville la teste, et manda le catal de Beuf qu'il tenoit prisonnier à Meaulx-en-Brye. Sy l'amena Raoul de Raineval à grant plenté de gens d'armes. Sy l'envoia en Engleterre pour parler au roy là oîi il fut bien venus, mais il n'y exploita riens de ses besongnes pour quoy le roi de France luy avoit envoiet.

CCVIIII° HYSTOIRE.

Comment le roy Charles de France envoia monseigneur Bertran de Claiquin contre les Navarois.

Après ces choses dessus dites envoia le roy Charles de France monseigneur Bertran de Claiquin au pays de Caux en Norraendie à tout grant plenté de gens d'armes pour tenir les guerres contre les Navarois qui adont avoient plenté de fors en ce pays-là.

Et pareillement envoia le roy Charles Philippe son frère duc de Bourgongne et monseigneur Jehan de la Rivière à Ategny où les Navarois estoient.

Et en tandis que le roy de France se tenoit au chasteau de Rouen, le bon roy Pierre de Chypre se party de Paris pour aler parler au roy Charles de Behengne et empereur d'Allemaigne qui luy avoit mandé qu'il venist à Coullongne, et y ala.

CCXe HYSTOIRE.

Comment le roy Charles de France se party de Rouen et s'en revint

à Paris.

Quant le roy de France eult mis ses besongnes à point, il se party de Rouen et s'en vint à Paris à Saint - Pol, et là herberga avoèques luy le duc d'Ango et le duc de Bourgongne ses frères.

Et le roy de Navarre envoia en Normandie monseigneur

Robert Canolle à tout grant plenté de gens d'armes au lieu du catal, propprement ordonnés, par devers Constentin, pour venir sur monseigneur Bertran de Claiquin et le lever du siège. Ainsy s'estoit-il pourveu ; mais sy tost que monseigneur Bertran fut informés de leur venue, il envoia au roy de France en luy priant qu'il fust confortés, car Navarois venoient de tous lez. Et le roy envoia le conte d'Aussoire, le conte de Dammartin, le conte d'Eu et Bouciquault le mareschal de France à tout grant plenté de gens d'armes, et en estoit gouverneur le duc de Bourgongne frère au roy de France.

Et tantost que monseigneur Robert Canolle sceult que tels gens venoient pour conforter monseigneur Bertran, il s'en retourna.