CCXI« HYSTOIRE

Comment Philippe le Hardy duc de Bourgongne, frère du roy de France, ala vers Chartres après les Navarois, et comment le roy Charles de France vint en la ville de Compiengne.

Quant le duc de Bourgongne sceult que les Navarois estoient retournés, il s'en ala vers Chartres où il y avoit grant plenté de fortresses aux Navarois.

Et eu tandis vint le roy de France à Compiengne parlementer au conte Loys de Flandres pour la cause de ce que le duc Aubert avoit fait copper la teste à monseigneur Sohier d'Enghien son cousin. Sy en voloit prendre vengance sur le duc Aubert et sur le pays de Haynault. Adont, quant le roy en vid la fachon, il en laissa le parler, car la chose estoit fort enorbe. ^

* Enorbe, obscure.

Et en deraentier que le roy estoit là, le duc de Bourgongne qui poursiévoit les Navarois, vint devant Marceville et l'assiëga, et tant fut devant que ceulx de dedens se rendirent à sa volenté. Sy fist copper les testes à tous les François qui s'estoient trais avoecques les Navarois. Et ceulx d'aultres pays, il les fist mener prisonniers à Chartres, et mist au chastel de Marceville Philippe de Chartres en luy laissant chastelain comme bon escuier de par luy.