CCXII« HYSTOIRE

Comment Camerole fut assiégie, et comment ceulx de dedens se rendirent à la volenté de Philippe duc de Bourgongne qui fist copper les testes à tous les François qui estoient avoec les Navarois.

Après la prinse de Marceville, le duc Philippe de Bourgongne s'en ala devant Camerole et y mist le siège, et fist tantost assallir tout autour. Et ceulx de dedens se deffendirent moult fort, car ils estoient plentë de gens ; et sy avoient fait granment de maulx, pillages et domages à Orliens et tout à l'environ.

Et en celle espasse envola Charles le roy de France monseigneur Ernoul de Labret et Aymon de Pommiers à tout IP combatans tous gascons, pour renforchier le siège devant Camerole, à son frère Philippe duc de Bourgongne.

Sy fist le duc assallir tousjours et par nuit et par jour. Et atournèrent et despiéchèrent les engiens tellement les salles et les murs qu'ils brisèrent tout et que ceulx de dedens ne se sçaroient, ne pooient plus nule part dedens

le chasteau tenir. Sy se rendirent à la volenté du duc. Et le duc fist copper les testes à tous ceulx qui avoient esté Franchois ; et les Englecqs et les Allemans et les Navarrois il les envoia à Chartres et les mist à renchon. Puis abandonna la fortresse à ceulx du pays, lesquels le minèrent et abatirent tout, et n'y eult onques puis fortresse.

CCXIII« HYSTOIRE.

Comment monseigneur Jehan de la Rivière mist le siège devant Ategny en Normandie et le print par^ force.

En dementiers que le siège estoit devant Camerole, monseigneur Jehan de la Rivière estoit et tenoit siège devant Ategny en Normendie ; et y avoit tousjours tenu siège depuis que le roy Charles de France avoit esté sacré à Raims, et tant y fut qu'il le print en la fin par force. Et puis y fist ung chastelain et y mist gens de par le roy, et puis s'en vint devant Évreux et mist le siège devant et tout entour la cité.

CCXIIII« HYSTOIRE.

Comment le duc de Bourgongne print le chasteau de Druée en Beausse et comment il print Preux et comment il assiéga Conay.

Après que le duc Philippe de Bourgongne, fils du roy Jehan, eult prins et destruit la fortresse de Camerole, il s'en vint luy et ses gens devant le chastel de Druée en

Beausse et y mist le siège, et le fist assallir tant qu'il le prist ; puis fist de ceulx de dedens ainsj qu'il avoit des aultres de Camerole, et puis l'abandonna à ceulx du pays, lesquels l'abatirent tout.

Et puis s'en vint le duc de Bourgongne à tout ses gens d'armes et ses engiens devant le chastel de Preux et mist le siège tout autour et le fist assallir et batre d'engiens par jour et par nuit. Et au IIIP jour se rendirent les Englecqs qui dedens estoient, par tele manière qu'ils s'en yroient sauf leurs vies et n'enporteroient riens, et ceulx qui estoient Fran chois et s'estoient tournés Navarrois, furent prins et eurent tous les testes coppées. Et puis y mist le dit duc Philippe de Bourgongne ung chevalier qui avoit nom monseigneur Rasse duBez et l'en fist chastelain, lequel Rasse le fit bien refaire et y mist bonnes gens de par le roy de France.

Et puis s'en vint le duc de Bourgongne en la cité de Chartres pour luy et ses gens rafFreschir, et n'y séjourna point granraent ; car il voloit aler devant Conay assez près de droit là, car ceulx de Conay courroient souvent jusques à Orliens et jusques à Blois. Sy y vint le duc à tout ses gens, et y mist le siège tout au tour, et y fist tant assallir et batre de ses engiens par jour et par nuit qu'on abatoit et empiroit-on moult fort le lieu.

CCXVe HYSTOIRE.

Comment ceulx de Conay se volurent rendre au duc Philippe de Bourgongne sauf leurs corps et leurs biens, et comment le duc, après qu'il leur eult reffusé cel acord, en la fin il leur acorda pour cause que son frère le roy de France le remandoit hastivement.

Quant ceulx qui estoient dedens le chastel de Conay, virent qu'on les assalloit et batoit sy fort, ils se volurent rendre sauf leurs corps et leurs vies et leur avoir ; et le duc de Bourgongne et son conseil ne les volurent point recepvoir s'ils ne se metoient du tout à sa volenté, fust de morir ou de laissier aler.

Et quant leur capitaine qui avoit à nom Jaques Fort, oy la response que le dit duc avoit fait et respondue, il dist que jà ne se meteroit à sa volenté, et le monstra à ceulx qui estoient avoecques luy au chastel, et eulx tous par acord respondirent et dirent : « Jaques Fort, nous ne nous « renderons jà jusques à ce que de III de nous les II « seront mors, se ce n'est à la manière que vous avez « ditte. »

Et le duc de Bourgongne faisoit tousjours asallir et batre la place par jour et par nuit, et tant qu'on abatoit les tours à grant foison, les murs, les salles et les allées d'entour ; mais adont mua assez tost corage, car de par le roy son frère luy vindrent messages qui luy mandoit que au plus hastivement qu'il pooit, qu'il revenist vers luy, et tous ceulx qui avoec luy estoient, car il convenoit qu'il s'en alast en Bourgongne encontre le seigneur de Monbliart qui luy ardoit sa terre et exilloit son pays.

Et quant le duc et les Bourguignons oyrent ce, cela fist avoir à ceulx de Conay ung bon accord ; car ils rendirent le chastel au duc de Bourgongne, par ainsy que tous ceulx qui estoient dedens, se partiroient quites et délivres, et sy enporteroient tout leur avoir, laquelle chose fut ainsy accordée et faite.

CCXVP HYSTOIRE.

Comment ceulx qui estoient au château de Anet, ne volurent recepvoir Jaques Fort pour ce qu'ils estoient trop de gens.

Quant Jaques Fort et ses gens se furent partis du chasteau de Conay, ainsy comme vous avez oy, il s'en vint droit à Anet, luy et sa routte, et leur pria de les laissier entrer dedens ; mais, pour ce qu'ils estoient trop de gens, ceulx qui estoient dedens ce chasteau de Anet, ne les volurent recepvoir. Et quant Jaques Fort vid ce, luy et les siens s'en alèrent au chasteau de Brynart, et là furent-ils bien rechups, ainsy qu'il leur estoit bon.

Quant le duc Philippe de Bourgongne eult prins le chastel de Conay, il veult retourner pour aler en Bourgongne, ainsy comme le roy son frère luy avoit mandé : lequel duc Philippe le Hardy avoit prins le fort chastel de Conay, que onques puis ne le reurent les Navarrois, et se retira au lez vers Chartres. Et quant ceulx de Beausse et de là entour virent et perchurent la volenté et le désirier du dit duc et que par devers Chartres il s'en voloit retourner, ils vindrent par devant luy, en disant : « Noble « et bon duc de Bourgongne, nous volés-vous laissier, sans

« tous les fors des Navarrois prendre et gaignier ? » Et le duc leur respondit en larmyant : « Mes amis, je n'en « puis mes ; car il m'en convient aler par devers Bour- « gongne contre le seigneur de Monblyart, qui gaste, « pille et art mes terres et mon pays. » Sy chevaucha le duc hastivement vers Chartres, puis à Paris, puis en Brye, et droit à Cressy. Et quant le roy le vit, il le rechut moult bien et luy fist bonne chière, et l'endemain se party le duc, et print le grant chemin pour venir vers Chalon et pour aller en Bourgongne, où il y avoit moult grande quantité de Gascons, et en estoient souverains capitaines et chièvetaines Talehardon le Fier et Guy on du Pin, qui les pays pilloient, gastoient, roboient, tuoient, prenoient et ardoient, et courrurent ainssy essillant tout jusques à Mascon, jusques à Beaune, jusques à Chalon, jusques à Digon, et tout le pays là entour.

Le duc Philippe de Bourgongne et sa compaignie chevauchèrent tant qu'ils vindrent à Digon. Et le seigneur de Monbliart et ses gens estoient delà le Sonne, et estoient XXIP glaves par devers Besenchon et par devers Polligny et par devers Arbois, lesquels pilloient, brûloient et exilloient le pays. Mais ossy tost que le conte de Monblyart oyt et sceult qu'on recordoit pour vray que le duc Philippe de Bourgongne estoit sy près de luy, il s'en retourna par devers Basle, et donna congiet à ses gens d'eulx en aller guerrier où ils porroient et vorroient, et où leur mieulx et leur proufit seroit, car il n'en voloit plus faire, et en retint pour sa garde une partye, et l'autre s'en ala.

CCXVIIe HYSTOIRE.

Comment TArcheprestre, au coramand de Philippe le Hardy, duc de Bourgongne, passa oultre la Sonne à tout ses gens pour garder le pays contre les compaignies qui y estoient.

Quant le duc de Bourgongne sceult que le conte de Monbliart s'en estoit ainsy retourné luy et ses gens, adont fist-il Ambaut le seigneur du Plaissy soy tenir et séjourner à Mascon, et le fier Arceprestre fist-il passer oultre la rivière de Sonne pour garder et deffendre le pays contre les compaignies. Et sy laissa ossy dedens Mascon et là entour monseigneur Aymon de Pommiers à tout grant plenté de gens d'armes , lequel fist tant par un matin qu'il eult bataille à Jehan Caufour et à Talehardon et à Guiot du Pin. Sy furent desconfis, et en prinrent bien IP et les menèrent en Digon, et là les fist-on copper les testes, ne onques on n'en volut personne renehonner ; mais adont eschappa de la dite bataille ung capitaine gascon qu'on appelloit Petit- Mescin qui puis fut prins dedens Luxembourc du duc de Brabant qu'on nommoit Viselin, et le print Witasse de Gommegnie.

CCXVIII« HYSTOIRE.

Comment le catal de Beuf ou de Beuch fut envoies du roy de France en Engleterre querre II ostagiers pour luy.

Maintenant dirons du catal de Beuf, lequel estoit allés par devers le roy d'Engleterre au commandement du roy de France pour avoir II ostagiers pour luy, c'est-assavoir

le duc de Bourbon et le duc de Berry. Et voloit le roy de France que ces II fussent recrut un an et que le catal de Beuf demourast au lieu de eulx eschangé ; mais le roy d'Engleterre n'en veult riens faire.

Puis s'en revint le catal à Paris et dist au roy de France la response du roy d'Engleterre. Et depuis celle revenue, se tint le catal tousjours à Paris comme recrus et prisonnier sur sa foy, et n'avoit aultre prison.

CCXVIIIIe HYSTOIRE.

Comment la guerre fut entre monseigneur Charles de Blois et monseigneur Jehan de Montfort en Bretaingne.

En celuy tamps avoit grandes guerres au pais de Bretaingne, de Charles de Blois, qui possessoit adont la duchiet et avoit avoec Iny de son accord tous les barons du pays, hors mis monseigneur Olivier de Clichon, lequel estoit en ayde avoecques monseigneur Jehan de Montfort, lequel monseigneur Jehan disoit que Charles de Blois n'avoit nul droit à la duchiet et que à luy elle appertenoit ; et avoit ledit monseigneur Jehan de sa partie avoecques ly les Englecqs, le beau Jehan Chandos, Robert Cauolle, Hue de Cavrelée, "Witasse d'Aubrecicourt, haynuyer, Gaultier Huet, monseigneur Jehan Bourssier, Richart Burlée , et avoec ceulx tant maints saudoyers, gens d'armes et archiers, lequel Jehan de Montfort et tous ses aidans avoient assiégiet ung chastel moult fort qu'on nommoit Auroy, et furent bien III mois devant, et y assalloient moult fort de traict, et y faisoient jetter d'engiens moult fort et moult souvent.

Mais le chastelain qui dedens estoit, qu'on nommoit Henry de le Sauterelle, pour son honneur le gardoit moult bien et le faisoit bien defFendre, afRn que son seigneur et raaistre Charles de Blois n'y perdesist riens par luy.

Et endementiers vint Charles de Blois vers le chastel pour lever le siège, et avoit avoecques luy monseigneur Bertram de Claiquin, le visconte de Rouen \ Charles de Dinant, le seigneur de Lyon, le seigneur de Lohyac, le seigneur de Malatrait et le baron d'Aufegny et tous ceulx du pays qui moult volentier aidier le voloient, hors mis les dessus nommés, et sy avx)it avoec luy grant plenté de François, c'est-assavoir le conte d'Aussoire, le conte de Joigny, le seigneur de Pière, et tant fisrent qu'ils furent moult près l'un de l'autre. Et quant les Euglecqs sceurent qu'ils les approchoient, ils se deslogèrent de devant Auroy, où ils tenoient siège, et vindrent à plains champs, et là ordonnèrent leurs eschelles, leurs capitaineries et leurs batailles, et furent sur leur garde tous rengiés, serrés et en bonne ordonnance , pour entrer et férir sur leurs ennemis.

CCXXe HYSTOIRE.

Comment monseigneur Jehan Chando ordonna ses batailles contre monseigneur Charles de Blois.

Quant monseigneur Jehan Chando sceult pour vray que Charles de Blois et ses gens avoient ainsy approchiet, il fist traire ses gens tous à plains champs, et ordonna

* Lisez : Rohan.

336 BÉCITS.

IIII batailles , et se prendoit la première bataille. Sy avoit avoecques lui monseigneur Mathieu de Gournay et grant plenté d'archiers, lesquels il metoit à destre ; et la seconde bataille à senestre il le charga à monseigneur Robert Canolle, et avoit avoec luy grant plenté d'archiers ; la tierche bataille ordonna-il à monseigneur Jehan de Clermont, conte de Monfort ; et l'arrière-garde qu'il faisoit et la IlIP délivra-il à monseigneur de Clichon et à monseigneur Hue de Cavrelée, et luy dist qu'à railleur de luy ne le pooit-il ordonner. « Et sur esle vous tenrez sans entrer « en la bataille, par tele manière que, se vous véez voiler « aucunnes batailles, que tantost vous les confortez. » Adont fut Hue sy courouchiet sur Chando qu'il se volut partir, pour ce qu'il n'estoit point devant et qu'il n'aroit point la première bataille.

CCXXI« HYSTOIRE.

Comment monseigneur Jehan Chando pria à monseigneur Hue de Cavrelée d'estre Tarière-garde, et comment les Englecqs luy prioient de combatre.

Adont pria tant monseigneur Jehan Chando qu'il demoura et l'accorda ; car il luy sambloit, comme vray estoit, que c'estoit tout leur bien en l'arrière-garde. Et tous les Englecqs qui là estoient, avoient tout despendut : sy pryèrent à Chando pour Dieu qu'ils ne se partesissent point sans combatre, lequel Chando leur eult en couvent que ossy n e feroient-ils, et bien leur tint.

CCXXII* HYSTOIRE.

Comment la bataille se fit des François et des Bretons contre les Englès, et comment monseigneur Charles de Blois y morut et monseigneur Bertran de Claiquin fut pris, et comment on parloit, ains que la bataille commenchast, de faire ung respit.

Quant les batailles furent ordonnées, sycomme vous avez oy, monseigneur Jehan de Monfort se tenoit avoec ses gens ; et endementiers que ce se faisoit, monseigneur Charles de Blois ordonnoit ossy ses batailles, et en fist IIII, et fist à tous les Franchois copper leurs lanches de X pieds de long et tenir devant eulx. Et charga à monseigneur Bertran de Claiquin la première bataille, et avoecques luy estoient monseigneur le conte d'Aussoire, le conte de Joygny et monseigneur Jehan de Chin. La IP bataille, Charles de Blois, duc de Bretaingne pour le tamps, print-il pour luy, et avoit eu sa compaignie le seigneur du Pont, le seigneur de Pierre, Guillaume d'Avaugor, le seigneur de Dynant, le seigneur de Rais, le seigneur de Lyon, le seigneur d'Anssenis et moult de bons gens d'armes. La IIP bataille eult le seigneur de Malatrait, et eult avoecques luy Jehan de Redon, le seigneur de Rieux, le visconte de Rouen et grant plenté d'hommes d'armes et coustilliers. La IIIP bataille, qui faisoit l'arrière-garde, eult le seigneur de Lohyac, le seigneur de Gargoulle et le bastart de Blois par dalez, pour conforter les batailles, se besoing en estoit, et se tenoit sur costière. Et tant estoient de gens de pluseurs nations, que les Franchois estoient bien III contre un de leur adverse partye : pour quoy le

seigneur de Beauvoir se mist moult en paine de trouver ou paix ou trêves ou respit ou acord ; mais les Englecqs voloient tousjours combatre. Et pour ce que les offres de monseigneur Charles de Blois ne souffissoient point aux Englecqs, ils dirent à monseigneur Jehan Chando que, se le sire de Beauvoir revenoit plus, ils le tueroient entre les mains Chando. Et adont le dist Chando au seigneur de Beauvoir, lequel respondit : « Ossy voeullent avoir nos « gens bataille. » Sy s'en râla.

Adont commenchèrent les II osts à approchier, et commencha la bataille forte et cruele, car les archiers traioient plus drut que nesge ; mais, se n'eust esté Hue de Cavrelée et sa bataille, Charles de Blois eult desconfis et vaincus les Englecqs. Sy y fut ochis le dit Charles de Blois, et grant plenté des seigneurs prins et mors, et d'aultres gens ossy. Et y fut prins monseigneur Bertran de Claiquin par la main monseigneur Hue de Cavrelée, et pluseurs aultres ; et tout le demorant s'en fuit. Le lendemain qui fut luudy, après ceste bataille, donna Jehan, conte de Monfort, III jours de trêves à ceulx du pays pour ensevelir les mors en terre sainte, et fist porter le corps de monseigneur Charles de Blois à Guipmenigant, et là fut ensépulturés moult révéramment ; et se tint au siège devant Auroy comme devant.

CCXXIIP HISTOIRE.

Comment Charles de Valois roy de France fut moult courouchiés quant il sceult les nouvelles de la desconfiture de la bataille devant Auroy en Bretaigne et qu'en ycelle estoient monseigneur Charles de Blois mort, et monseigneur Bertran de Claiquin pris, et les François desconfis.

Quant le roy de France sceult la desconâture de la bataille et la mort de monseigneur Charles de Blois et de ses gens, il en fut moult courchiés, et de la prinse monseigneur Bertram de Claiequin par espécial il en eult grant desplaisir. Sy envoia le roy son frère monseigneur le duc d'Ango sur les marches de Bretaingne, pour conforter le pays et la ducesse de Bretaingne, femme à monseigneur Charles de Blois, qui estoit sy désolée et sy desconfortée que plus n'en pooit, tant pour la mort de son seigneur que pour la perte de son pays et de sa terre qu'elle perdoit. Ad ce estoit le dac d'Anjo bien tenu de faire, car il avoit à femme la fille du dit monseigneur Charles de Blois et de ladite madame ; sy s'en acquitta moult bien selon son pooir. Et quant ceulx du chastel d' Auroy se virent de rechief ainsy assiégiés, et sy ne véoient, ne appercevoient nul apparant de confort, ne d'ayde quelconque de nuls costés, et sy avoient perdu leur capitaine Henry de Sauterelle en la bataille et tous les milleurs compaignons, ils furent moult esbahis et n'eurent mye en conseil de eulx plus tenir ; sy se rendirent sauf leurs vies et leurs biens, et se party qui partir se veult. Sy print le conte de Monfort la possession du chastel, et puis se party, et s'en ala mettre le

siège devant la ville de Jugon et le fist assallir, et ceulx de Jugon ne se volurent point tenir, mais se rendirent par composition. Et puis ala le dit conte de Monfort assiégier la ville de Dinant au dit Bretaingne, et y tint siège sy longuement que les pourvéances de dedens faillirent, et se rendit à luy ossy.

CCXXIIII» HYSTOIRE.

Comment monseigneur Jehan conte de Monfort assiéga la ville de Campercorenlin, et comment ceulx de la ville ne se volurent rendre à luy. Sy y fut grant tamps ledit c onte de Monfort.

Après la rendition de Dinant en Bretaigne, le conte Jehan de Montfort s'en vint mettre le siège devant la ville de Campercorentin, laquele se cloy contre luy, et se deffendirent les hommes dedens bien et hardyement ung grant tamps, sur la fiance et l'ayde du confort qu'ils attendoient du duc d'Ango, lequel leur avoit signifFyet qu'ils les secourroit. Et sachiez que tous ceulx qui avoient prisonniers en l'ost du conte de Monfort, n'en retenoient nuls, mais leur faisoient tenir prison où que cp fust, pour ce qu'ils ne voloient mye qu'ils se peussent rassambler et qu'ils n'en fussent encore combatus.

Et enderaentiers que le conte de Monfort faisoit en partye grandement ce qu'il voloit en Bretagne et conquerroit villes et chasteaux, le roy Charles de France eult pluseurs propos et consaulx assavoir quel chose il porroit faire de l'héritage de Bretaingne et des besongnes d'yceluy pays, qui estoient en trop dur party. Et sy n'y pooit bonne-

ment remëdyer s'il n'esmouvoit son royaulme et qu'il fesist de rechief guerre aux Englecns, ce qu'on ne luy conseilloit mye à faire, et luy fut- dit ainsy : « Très-chier sire, vous « avez soustenu Toppinion monseigneur Charles de Blois, « et ossy firent vostre père et vostre grant-père, le roy « Philippe et le roy Jehan, et tant que vous véez que « monseigneur Charles en est mort, et ses deux fils, qui « eu sont héritiers, sont prisonniers en Engleterre, et n'y « a nulluy du linage, qui pour eulx voeulle emprendre le « fais de la guerre, ne qui leur en puist aidier fors que « vous. Et, très-chier sire, vous avez assez à aultre chose « à entendre, et n'avez que faire d'emprendre la guerre « où vous ne poez avoir nul pourfit. Et sy oons et enten- « dons comment le conte de Monfort conquiert tous les « jours villes, chasteaux et cités. Sy porriez par ceste « chose et par ceste voye perdre l'honneur de Bretaingne, « qui est une moult grande chose et moult notable en « vostre royalme et que vous debvez bien redoubter à « perdre. Sy nous samble que ce seroit bon que d'envoier « par devers le conte de Monfort messages et traicteurs, « sages hommes et disputans, pour sçavoir comment il se « vorroit maintenir, lesquels entammeroient traictiës et « matères de paix entre luy et le pays et la dame qui s'en « est appellée ducesse ; et sur ce qu'ils trouveroient et « sentiroient, vous ariez conseil. Au fort, mieulx vaulroit « que la duchié luy demourast affin qu'il le recongneusist « de vous et vous en fesist homage et toutes droitures, que « ce que la chose fust en plus grant péril. » Ce conseil tint le roy Charles de France à moult bon, et furent ad visés ceulx qui yroient en ce message. Ce furent «lonseigneur Jehan de Cran, arcevesque de Raims, et le seigneur de Cran son cousin, et monseigneur Boucicault. Ces III furent

informés de la besongne et s'en alèrent en Bretaingne par devers le conte de Monfort. Si le trouvèrent encore au siège devant Campercorentin, et quant ils furent là venus, le conte de Monfort les rechut lyement, et ossy fisrent les Englecqs, monseigneur Jehan Chandos et les aultres. Et quant il fut taraps et lieu, ils remonstrèrent audit conte et à son conseil pourquoy ilsestoient là venus. Et le conte les oyt volontiers et leur dist qu'il en aroit conseil, et fut conseilliés telement qu'il s'acorda à tout ce que le roy d'Èngleterre en vorroit dire ; mais briefment et pour conclusion, le corps de la duchiet de Bretaingne luy demouroit, ou il demouroit etymoroit en la paine.

CCXXV« HYSTOIRE.

Comment le seigneur Latimier ala au roy Edouart d'Engleterre conter le traictié qui estoit mis en terme touchant la duchié de Bretaingne, lequel le conferma, et fut la paix et traictiet fait entre le conte Jehan de Monfort et le pays de Bretaingne et la dame qui fut femme de monseigneur Charles de Blois, et le conferma le duc d'Ango au nom du roy Charles de France son frère.

Pour faire et furnir ce message en Engleterre, dont nous venons de faire mention, fut eslut et en fut chargiés le seigneur de Latimier, lequel ala en Engleterre porter et monstrer tout le traittiet au roy. Et quant le roy d'Engleterre entendit et eult oyt le traittiet, il s'acorda bien à tout ce qui fait en estoit ; sy rescripsy son entente et sa volenté au dit conte, et puis s'en revint le dit seigneur Latimier et bailla les lettres au dit conte de Montfort, lequel les remonstra aux seigneurs de France qui là

iiÉciTS. 345

estoieut, lesquels prinrent jour de l'accepter et confermer, et on leur donna volentiers. Adont envolèrent ces seigneurs de France leur traittiet par devers le duc d'Ango, qui se tenoit à Angiers, pour acorder et confermer ce que fait avoient. Et le duc d'Ango s'y accorda assez légièrement, et le conferma et acorda de par le roy de France son frère, qui la puissance et auctoritë luy en avoit donné. Et adont fut le traittiet fait rapportés par devers les seigneurs de France, et adont se partirent-ils de la cité de Rennes, où ils s'estoient tenus, tandis que ces voyes avoient esté faittes, et revindrent en l'ost devant la ville de Campercorentin, et là fut jurée, confermée, escripte et séellée la paix entre le conte Jehan de Mon fort et le pays de Bretaigne et la dame, femme qui fut à monseigneur Charles de Blois. Laquele paix fut tele que le dit conte de Monfort demouroit plainement et paisiblement duc de Bretaigne, parmy tant qu'il jura à le tenir du roy de France et luy faire homage de la duchiet et tous services deus toutes les fois que requis en seroit, et par tele manière que s'il trespassoit sans avoir hoir de sa char de léal mariage, la dite duchié revenroit à la femme de monseigneur Charles de Blois ou à ses hoirs ; et parmy tant ossy il debvoit la dite dame récompenser pour ses frais et pour son estât soustenir, de XX mille livres de rente par an. Et sy eult la dite dame la conté de Pentèvre, laquele vault ladite pencion, au lieu de ladite somme. Parmy l'ordonnance de la paix reult ossy le sire de Clichon sa terre que le roy luy avoit tolue pour la cause de son père, lequel fut depuis tousjours bon Franchois, et sy fut en la fin connestable de France.