IX« HYSTOIRE

Comment le roy Philippe de France manda au conte Guion de Flandres qu'il luy envoiast sa fiUoelle Philippe sa fille.

Peu après l'affiance faite du fils du roy Édouart d'Engleterre et de la fille au conte Guy de Flandres fut nonchiet au roy Philippe le Bel de France que le roy Édouart d'Engleterre voloit son aisné fils marier à la fille du conte de Flandres pour luy efForchier et allyer , car il avoit jà mariet III de ses filles à III puissans princes marchissans devers le royalme, l'une au conte de Bar, l'autre au duc de Brabant, et la tierche au conte de Holande.

Adont manda le roy de France au conte Guion de Flandres par chevaliers souffisans et par lettres à son chier compère et amy que par amour luy volsist amener Philippe sa filloeule , comme celuy qui le désiroit puisqu'il le eult levée de fons, et moult lui promist de biens à faire. Et quant le conte eult veu les lettres et ce que le roy luy mandoit, il respondy qu'il yroit volontiers au command du roy et y envoieroit sa fille honnourableraent.

Sur ce le comte Guy qui nul mal n'y pensoit , fist sa fille apparillier bien et noblement sy comme il appertenoit, et l'envoya au roy. Et quant le roy le vist , il luy fit grant festeetle commanda à garder à nourir avoec Ysabel sa fille, comme celle qui puis ne fut mariée, ne ne rentra en Flandres , ains morut en la prison du roy, dont ce fut pité, car moult estoit belle pucelle et bonne et débonnaire et de bon linage, pour ce que le roy de France voloit sa fille marier au fils du roy d'Engleterre sy comme vous orés.

\fa RECITS.

Or avint une grande espasse de tamps après ce que la paix se fit entre le roy d'Engleterre et le roy de France, et envoia aucuns de ses chevaliers devers le roy d'Engleterre, par quoy le mariage se fesist de Édouart son fils et de Ysabel sa fille. Et quant le roy d'Engleterre eult entendu ces messages, il les amena par devant Edouart son fils , et oy les lettres lire devant luy. Et quant il les eult oy, il respondy et jura, oyans tous , que jamais n'aroit femme espousée tant que Philippe la fille du conte Guion de Flandres aroit la vie au corps. Et adont se teult le roy d'Engleterre son père qui bien sçavoit comment la besongne aloit et dit aux messages : « Vous véés bien que je ne puis « aultre chose faire. » Et quant les embassadeurs et messages se furent bien aisiés, ils prindrent congiet et s'en retournèrent en France moult courouchiês de ce qu'ils ne peurent besongnier, ne venir à chief de leur message à celle fye.

Xe HYSTOIRE.

Comment de rechief le roy de France manda le conte de Flandres.

Quant les messages et embassadeurs du roy de France qu'on appeloit Philippe le Bel, furent revenus du roy d'Engleterre et qu'ils eurent au roy contet la response du josne roy d'Engleterre, il pensa sur ce et se teust à tant ; et une espasse après il eult conseil qu'il envoieroit au conte Guion de Flandres pour savoir qu'il vorroit dire. Adont fist-il escripre et envoyer par ung certain message et l'envoia au dit conte de Flandres luy dire qu'il venist à luy parler et

à son conseil. Et quant le message fut venut à Gand où le conte estoit, il luy bailla les lettres. Quant le conte les eult lûtes, il s'appareilla briefment avoecq ses II aisnés fils et ses chevaliers et sa maisnye, ainsy qu'il appertenoit, et chevauchèrent tant qu'ils vindrent à Paris. Et quant ils furent en Paris et qu'ils se furent bien aisiés, ils \indrent devant le roy.

Le conte de Flandres salua le roy comme celuy qui y avoit de bons amis et dit qu'il estoit venus à son command. Et le roy lui demanda pourquoy il avoit sa fille aconvenenchiée à son ennemy. Le conte luy respondy que c'estoit pour sa fille avanchier sy comme chacun doibt faire ses enfans, et non point pour riens emprendre sur luy qui estoit son souverain. Et le roy ly respondy que ce mariage ne serait jà fait : « Et sy ne le debviés pas avoir fait sans « mon congiet, et sy en avés fourfait vostre terre, se mes « pers le jugent. »

Adont respondy le conte Guy et ses II fils qu'ils ne scavoient homme nul en la court du roy de France qui l'osast jugier, et y eult plusieurs grans parlers, car le conte et ses enffans y avoyent des amis de char qui estoient du conseil du roy de France.

Adont entra le roy en une chambre en disant : « Je le « vous monstreray prochainement. »

Et adont se partirent le conte Guy et ses II fis hors de Paris et s'en revindrent à Gand. Et manda par pluseurs fois au beau roi Philippe de France et fist requerre que par amour et par compérage il luy volsist sa fille renvoier, et que s'il avoit aucune chose forfaitte, il estoit appareilliés d'en attendre le jugement de ses pers. Et pour ce que le roy ne veult onques entendre à la requeste du conte, ne le mener par le dit de ses pers, le conte Guy de Flandres fist

alliance au roi Édouart d'Engleterre qui pluseurs fois l'en avoit requis, et renvoia au roy de France foy et bornage, amisté et consanguinité et compérage, le dévulgant et tenant sur tous aultres son ennemy, et fit cacliier hors de Flandres tous ceulx qui estoient de la court du roy de France.

Ainsy et par tele occoison commenchèrent les darraines guerres du roy de France, du roy d'Engleterre et du conte de Flandres.