XI« HYSTOIRE

Comment le roy Philippe le Bel de France manda le conte Charles d'Anjou son frère en la Mourée.

Endementiers que le conte Guion de Flandres estoit à Gand, le roy Philippe le Bel de France manda Charles de Valois et monseigneur Loys conte d'Êvreux ses II frères, et monseigneur Robert conte d'Artois, le conte de Saint- Pol et monseigneur Jaques son frère, le conte Jehan de Haynault qui estoit adont mal du conte Guion de Flandres son nepveu, et pluseurs aultres grans seigneurs à tout les gens d'armes qu'ils peurent avoir. Et fist une assamblée en la cité d'Aras et là environ pour assiéger la yille de Lille en Fjandres : sy séjourna une espasse pour assembler ses gens. Et en ce tamps les Flamens sçavoientpeu de guerre, et peu en avoient eu à faire.

Xll« HYSTOIRE.

Le grant siège de la ville de Lille en Flandres.

Quant le conte Guy de 'Flandres et monseigneur Robert son frère sceurent que le roy Philippe le Bel de France faisoit assamblëe de gens d'armes et les communes des plasts pays en la ville et cité d'Aras et environ pour venir assallir sa ville de Lille, ils fisrent semondre d'aultre part leurs osts et mandèrent partout leurs amis et leurs gens d'armes, et nomméement le roy Edouart d'Eugleterre qu'ils les venist aidier, car c'estoit en partye pour la cause de luy et de son fils. Et quant le roy d'Engleterre oyt sa requeste, il respondit qu'il yroit yolentiers et qu'il passeroit mer hastivement.

Adont envoya le conte Guy monseigneur Robert son fils, monseigneur de Fiennes et le seigneur de Faucquemont à grant p lente de gens d'armes en garnison dedens la ville de Lille pour garder la ville contre le roy de France. Et le conte Guy demeura à Gand et attendoit la venue du roy d'Engleterre.

Après envoia le conte Guy en garnison pour garder Fumes et les frontières ung qu'eult nom Guillame de Jullers l'aisné son nepveu, monseigneur Jehan de Gavres et le conte des Blans-Mons à tout grant plenté d'Allemans et de gens d'armes, et fit bien garnir partout ens es frontières et fortresses de Flandres.