XIII» HYSTOIRE

L'assamblée des Franchois devant Lille et environ.

Quant le beau roy Philippe de France sceult que Robert de Béthune et ses gens estoient venus en garnison dedens Lille, il fit tantost son ost deslogier et avaller vers Lille. Sy assiéga la ville de Lille à tout grant peuple qu'il avoit amené. Et fut rais le siège la nuit Saint-Jehan-Baptiste l'an de grâce mil IPIIII" et XVII, lequel roy y sist l'espasse de XI sepmaines. Sy exilla moult le pays environ et les abayes, dont ce fut grant domage, et jettoient les engiens du roy et les engiens du conte de Haynau souvent et menu dedens la ville ; et ceulx de la ville à eulx, dont il avint qu'endementiers que le siège estoit devant Lille, monseigneur Charles conte d'Anjou et de Valois, frère du roy, et le conte d'Artois se partirent ung jour hors de l'ost et prindrent congiet au roy pour aller devers Furnes et veoir quels gens il y avoit, et chevauchèrent tant qu'ils vindrent devant Furnes. Et en venant à tout grant plenté de gens d'armes qu'ils avoient, gastèrent et brûlèrent fort le pays et tout à l'environ où ils passèrent. Et vindrent droit devant Furnes à l'eure du disner où monseigneur Guillame de Jullers l'aisnë séoit à table. Et encore y avoit ung aultre Guillame qui fut à la bataille de Courtray et morut à la bataille du Mont-en-Peule sy comme vous orés cy-après, et estoit canonne.

Quantle conte de Blans-Mons et messire Jehan [deGavres] et Guillame de Jullers sceurent que monseigneur Charles de Valois et le conte Robert d'Artois estoient devant Furnes

à tout sy grans gens d'armes et qu'ils commenchoient à bouter les feux et à tuer leurs gens, on cria alarme, et widèrent hors de la ville contre les Franchois. Ils estoient bien XVI mille hommes, que Allemans, que aultres gens. Sy assallirent et se férirent es Franchois vigoreuseraent, et les Franchois à eulx. Sy y eult grande bataille et forte, et grande ochision d'une partye et d'aultre, et longuement dura, et là fut prins le fils monseigneur d'Artois de monseigneur Jehan de Gavres. Et là eult sy grant murdre et sy grande bataille que ce fut ung grant pité. Et là fut le conte de Blans-Mons ochis et monseigneur Guillame de JuUers navrés à mort, et fut prins et menés en prison à Saint-Omer où il ne vesqui que IIII jours. Et monseigneur Jehan de Gavres demoura avoec les Allemans et y fît moult d'armes celle journée, et fasist eschappés de la bataille celle journée s'il volsist, mais il dit que, se Dieu plaisoit, les armes qu'il portoit, ne dénonchoient mye qu'il reculast envers ses ennemis^, etadont se reférist-il en une bataille avec les Allemans, qui demourés estoient. Et là eult grande bataille cruele et périlleuse, et moult y fut navrés Jehan de Gavres et jus de son ceval abatu et de toutes pars avironné, lanchiés, perchiés, trenchiés et à la terre trébuchiés. Sy se releva légièrement, et toudis se deffendoit, puis fut rebatu et se defFendist à genoux une grant pièche. En la fin fut-il enclos et apressés entre ses ennemis, mais onques ne se volut rendre et là fut-il ochis, et le remanant de ses gens tournèrent en fuitte. Et aussy gaingnèrent monseigneur Charles et le conte d'Artois et les Franchois la ville de Furnes, mais moult leur cousta, et moult y

(1) Jean de Gavre portait, dit-on, dans ce combat les armes de Roland. Voyez le récit de la Chronique de Flandre.

perdirent, car il y eult bien mors, que d'une part, que d'aultre, plus de XX mille hommes.

Adont se retira monseigneur Charles et le conte d'Artois à tout leurs gens et s'en revindrent en l'ost du roy devant Lille, laquele commenchoit à avoir disette. Et parlèrent les seigneurs à monseigneur de Béthune et luy monstrèrent que la ville n'estoit mye à sa volenté, car jà y defFailloient pluseurs choses moult nécessaires touchant la sustantation des gens d'armes, et qu'il n'en pooit plus, et qu'il leur convenoit rendre s'il plaisoit ^ monseigneur Robert.

En la fin parlèrent tant que le conseil de la ville et espécialement aucuns seigneurs particuliers de la garnison fisrent tant au conseil du roy et à ses gens, et tant ala-on de l'un à l'autre que la ville et monseigneur Robert de Béthune et tous ses gens se rendirent au roy Philippe le Bel de France par tel sy que chacun de tous ceulx qui estoient dedens, aroient leurs corps et leurs biens saulves.

Xlllle HYSTOIRE.

Le département de monseigneur Robert de Béthune hors de la ville de Lille.

Après la paction, composition et reudition de la ville de Lille faite à Philippe le Bel roy de France, comme desus avés oy, se parti monseigneur Robert de Béthune hors de Lille à tout ses gens en beau conroy bellement et ordonnéement, sans desmarchier, ne sans widier chevaucheurs, ne piétons hors du siège de leur ordonnanche et des eschelles limitées. Et pour le beau terme de Tordonnauce

RÉcris. 99

de eulx, moult furent regardés des chevaliers et des gens de l'ost du roy de France, car moult avoit monseigneur Robert belles gens, et moùlt furent prisiés.

Sy chevaucha monseigneur Robert devers Yppre et puis à Gand où le conte Guy son père estoit, et le roy Edouart d'Engleterre l'attendoit et estoit à grant plentë de gens d'armes et d'archiers et de Gallois. Et quant monseigneur Robert y fut venus, sy leur conta la grant cantité de peuple et les gens d'armes que le roy de France avoit assamblés et que ce seroit bon que ung respit fusist pris en aucune manière, car ils n'avoient point gens pour abatre, résister, ne combatre contre tant de gens que les Franchois estoient. Et sur ces parolles eurent le roy Édouart et le conte Guy avoec leur conseil maintes devises pour s'arester et sçavoir qu'ils feroient. Sy séjournèrent à Gand une espasse de tamps trèstous ensamble pour acoutter et aviser quel train tenroit le roy de France.