XV« HYSTOIRE

L'entrée de Philippe le Bel roy de France dedens la ville de Lille.

Quant la ville de Lille se fut rendue et que monseigneur Robert de Béthune s'en fut, luy et toutes sens gens, partis, le roy Philippe le Bel de France entra dedens la ville de Lille où on luy fit grant feste et grant honneur. Et y séjourna une espasse de tamps, et puis envoia Charles son frère à tout grant planté de gens d'armes vers Bruges et pardevers Yppre, lequel Charles y alla. Et quant ceulx de Bruges sceurent qu'il eult passé Courtray et qu'il venoit

vers Bruges, ils envoièrent contre luy en portant les clefs de la ville, et se rendirent à monseigneur Charles qui estoit au lieu du roy son frère, sauf leurs corps et leur avoir.

Adont entra monseigneur Charles dedens Bruges où il fut bien rechus, et peu après il s'en party et laissa gardien en Bruges de par le roy et s'en alla vers Yppre qui point ne se volut rendre. Puis se party et s'en revint vers le roy son frère à ung raoustier où il estoit logiés et luy conta comment il avoit exploitiet et comment ceulx d'Yppre ne se voloient point rendre.

Et enderaentiers qu'ils parioient ensamble, arrivèrent

II cardinaulx de par le pappe qui mandoit au roy de France qu'il luy allast aidier cà lever et canonnisier le corps saint Loys qui fut son grant père pour mettre en fiertre et que pour riens ne le laissast.

En ce mesrae tempore que ces II cardinaulx se devisoient au roy de France, vint ung message en la ville de Gand de par le josne roy d'Engleterre qui apportoit lettres au roy Edouart son père que le roy d'Escoche estoit entrés au pays d'Engleterre et gastoit, brùloit et exilloit le pays, par quoy il convenoit que s'en revenist pour son pays deffendre et secourre. Et quant le roy Edouart eult oyes ces lettres, il dit à monseigneur Guion qu'il le convenoit raller, et luy monstra les lettres.

Adont assamblèrent-ils à conseil auquel ils s'arrestèrent qu'ils envoieroient au roy de France requerre une abstinence de guerre, et des besongnes esmeultes qu'on envoiast au pappe Boniface et chacun sa demande, sy y envoieroient

III chevaliers, sy en yroit ung de par le roy de France et ung de par le roy d'Engleterre et ung de par le conte de Flandres, et tout ce que le pappe en ordonneroit, ils le tenroient. Et sur ce ils prinrent II frères mineurs comme

RÉCITS. iO\

messages et leur baillèrent les lettres, et en allèrent au roy de France, et quant ils vindrent là où il estoit logiés, ils baillèrent leurs lettres.

Quant le roy de France eult oyes les lettres, il y mist grant reffus, mais tant luy disrent les frères et ses gens, et sy humblement luy prièrent que le respit et abstinence de guerre fut donné et accordé. Et en furent les lettres sellées ainsi qu'il fut devisé et pourparlé cy-dessus.

XVI" HYSÏOIRE.

L'édiffiement du chastel de Lille et comment les Gallois furent tués et noyés en la ville de Gand.

Quant le respit et abstinence de guerre fut donné entre le roy de France Philippe le Bel et le roy Edouart d'Engleterre et le conte Guion de Flandres sy comme vous avés dessus oy, les osts se départirent d'une partye et de l'aultre, et laissa dès dont le roy Philippe garnison dedens Lille. Et fut adont le chastel de Lille édiffiés et commenchiés à fonder, qui cousta moult d'avoir, et par la requeste de ceulx de Lille. Et sur ce le roy de France se party et s'en râla en France et tous ses gens, chacun en son lieu.

Et de l'autre part le roy d'Engleterre s'apparilla pour râler en son pays. Dont au départir de Gand, il y eult pluseurs Gallois qui firent les mauvais gloutons, et entrèrent ans es maisons des drappiers et des bourgois pour tolir et desrober draps et joyaulx. Et quant ceulx de la ville virent ce, ils ne le vorrent point souffrir, ains s'armèrent et courrurent sus aux Galois en defFendant le leur, et là eult grant

murdre et moult cruele ochision ; mais la force ne fut mye aux Galois, car il en y eult tant de tués et de noyés en la rivière de l'Escault où ils furent encauchiés, qu'ils salloient en l'eaue l'un sur l'autre et se noyoient. Et en y eult bien, que de noyés, que de tués, plus de XII mille Galois. Et à paiue peult le conte de Flandres, ne le roy d'Engleterre mettre remède entre les Galois et ceulx de la ville pour les départir. En la fin ceulx de la ville se retirèrent et s'appaisèrent.

Adont se party le roy d'Engleterre et monta sur mer et s'en alla à Londres sa cité, et le conte Guy de Flandres et ses enfFans demourèrent à Gand.