XVII« HYSTOIRE

Comment on alla au pappe Boniface à Rome pour le différent et querelles de la guerre du roy de France, du roy d'Engleterre et du conte de Flandres.

Quant ce vint en la saison, les lïl messages qui dévoient aller à Rome devers le pappe Boniface, ils s'apparillèrent ; et quantils furent assamblés et qu'ils eurent les lettres, ils prindrent congiet au roy de France et chevauchèrent tant par leurs journées qu'ils vindrent à Rome le Grant et trouvèrent le pappe Boniface. Se luy donnèrent et baillèrent leurs lettres et leurs demandes. Et quant le pappe les eult diligamment, spéculaument et scrupulaument oyes et pourlutes et selon le droit entendues, les messages n'eurent pas granment en Rome demeuré quant ils eurent response du pappe de bouche et par escript. Et puis prin-

drent congiet et se partirent et chevauchèrent, et tant et sy bien exploitèrent leur chemin qu'ils vindrent à Paris. Et vindrent devant le roy, et bailla monseigneur Jaques de Saint-Pol qui estoit allé pour le roy, response du pappe. Et quant on eult veu les lettres de response qui disoient que le roy de France laissast et tenist la conté de Flandre en paix et que le roy rendesist sa fiUoelle au conte de Flandres son père et luy laissast marier au fils du roy d'Engleterre et tenist le roy d'Engleterre en paix, et, se ce ne voloit faire, il jetteroit sentence d'escommeniement sur luy. Et quant le roy oyt ces nouvelles, il en fut moult courchiet et dist qu'il tolroit au conte de Flandres toutte sa terro.

Adont passa avant le conte d'Artois et print les lettres à tout la bulle du pappe, et le despiècha, et puis les jetta au feu : dont le conte d'Évreux et les messages du roy d'Engleterre furent moult courouchiés, et moult en sceurent mal gré au conte d'Artois. Et le roy de France dit qu'ils se teusissent et qu'il en viendroit bien à chief..

Adont se party le message du roy d'Engleterre sans lettres, et n'aresta jusques à tant qu'il vint à Londres où il trouva le roy, et luy conta comment il avoit ouvré.

XVin« HYSTOIRE. Ung envoiement au pappe Boniface de par le roy de France.

Tantost après ce que dessus est dit, le roy de France demanda au pappe une aultre fois qu'il volsist le conte de Flandres escomraenier et jetter sentence sur les Flamens, et luy manda la raison pour quoy. Et adont le pappe Boni-

i04 RÉCITS.

face luy fut du tout contraire, car il véoit bien que le roy de France avoit tort. Et le pappe le faisoit pour bien et pour paix faire. Et se luy avoit le roy mandet trop furieusement et trop griefment, dont le pappe ne veult riens faire pour ses manaches.