XIX« HYSTOIRE

Comment le roy Philippe de France dit le Bel manda le conte Guy de Flandres et le détint quant il fut vers luy venu.

Quant le roy de France vid et sceult que le pappe Boniface ne voloit obéyr à ce qu'il luy mandoit, il en fut moult courchiés. Et d'aultre part il ne sçavoit comment il Fe peusist vengier du conte Guion de Flandres. Sy s'avisa d'une grant fausseté et mervilleuse et inique trafficque que environ de une feste de Pentecouste que les roix ont acousturaé de conjoyr et tenir court et estât royal de tous les barons du royalme, il manderoit le dit conte Guion à court. Sy en parla à monseigneur Charles de Valois son frère et au conte d'Artois. Et monseigneur Charles respondy qu'il manderoit le conte Guion, sauf ce qu'il y mist sauf alant et sauf venant, pour sçavoir que voroit dire. Et le roy lUy ottroia, mais il ne luy tint pas ses convenences, ainsy que vous orés cy-après.

Dont fist monseigneur Charles escripre unes lettres et les charga à ung chevalier de France qui s'en alla au conte de Flandres à Gand. Et quant il y vint, il bailla au conte de Flandres ses lettres. Et quant il les eult lûtes par devant sa femme, il vid bien que monseigneur Charles ly mandoit. Sy

eult conseil qu'il yroit à court parler au roy de France sur le conduit de monseigneur Charles. Dont fist appareillicr ses II fils monseigneur Robert et monseigneur Guillame de sa première femme, à qui le roy avoit fait saisir leur terre dont ils requerroient à avoir jugement. Et sy fist apparillier XXIIII chevaliers tous vestus d'un drap ; puis montèrent et prinrent congiet. Et onques puis le conte Guy n'y rentra. Et chevauchèrent à moult belle compaignie comme celuy qui estoit ung des XII pers de France et compère du roy. Et tant chevauchèrent qu'ils vinrent à Paris à leur ostel. Et quant il fut point, ils allèreht vers le roy au pallais où ils le trouvèrent.

Le conte Guy salua le roy et tous les ])arons. Et quant il fut bien festoyés d'aucuns de ses amis, dont il y en eult plentë, adont dist le conte : « Sire, je suis venus à vostre « mand et au mand de monseigneur Charles et en vostre « sauf conduit, et requérons à avoir jugement de vos « pers. »

Adont y eult parlé de pluseurs choses ; et en la fin le conte de Saint-Pol dit de par le roy que la conté de Flandres avoit forfait le conte de Flandre envers le roy de France par pluseurs cas. Dont commanda le roy que le conte fust mis en prison à Compiengne en la tour, dont puis n'issy pour venir en son pays.