XXX« HYSTOIRE

Une assamblée que firent ceulx de Flandre au Mont-enPeule pour combatre contre le roy de France dit le Bel et ses gens qui estoient sans nombre.

Quant Guillame de Jullers et monseigneur Henry de Flandres et aultres bons gens d'armes et les bonnes villes avoec et les chasteleryes sceurent que le roy de France et ses II frères et tous leurs gens estoient assamblés entre Orchyes et le Mont-en-Peules pour eulx courir sus, ils s'assamblèrent tous de bonne volenté, hormis ceulx des garnisons, car point ne voloient laissier les plaches desgarnies. Et vindrent à rencontre du roy de France à l'autre pied du Mont-en-Peules et se logèrent droit là pour deiFendre le leur et leur héritage. Et vinrent si près du roy qu'ils peurent. Et lendemain ils commenchèrent à ordonner leurs batailles et eulx appareillier ainsy que pour combatre.