XXXI« HYSTOIRE
La bataille du Mont-en-Peules des Franchois contre les Flamens, où ils furent desconfis au grant et inrecouvrable domage de l'une partie et de l'autre.
Quant l'ost du roy de France se perchent que celuy des Flamens s'apparilloit pour combatre, le roy et ses princes ordonnèrent leurs batailles ; s'en fisrent III dont monseigneur Charles de Valois frère du roy eult la première, et le conte d'Évreux eult la seconde, et le roy et ses gens la tierche. Et quant vint l'eure de combatre envers basse nonne et d'assambler leurs batailles, le roy se férit es Flamens et en trois lieux, et les Flamens rechurent luy et ses gens moult hardyment et vigoreusement.
Là eult moult grande, périlleuse, mortele et mervilleuse bataille et bien combatue et longuement. Et y eult de mors et de navrés et d'affollés moult grande plenté de l'une partye et de l'autre. Et bien s'y combaty le propre corps du roy de France, et fut là férus d'une hache à deux mains, et y fut son cheval tués dessoubs luy. Et les deux frères qui estoient à son frain, qu'on nommoit les Genssiens \ bourgois de Paris, y furent ochis devant luy. Et sy y fut ochis le conte d'Aussoire, le conte de Bourgogne etpluseurs aultres grans seigneurs. Et en celle bataille fut le roy remontés de monseigneur Loys conte d'Evreux et d'aujtres.
Et adont recommencha la bataille felle, doubteuse,
* Il s'agit ici des frères Gentien, bourgeois de Paris, qui se précipitèrent au-devant des Flamands pour défendre Philippe le Bel.
preuse, murdrière, mortele et périlleuse, car moult avoient les Flaraens bonnes armes de fer et d'achier comme les chevaliers portoient, qui bien leur firent celle journée. Et d'aultre part se combatoit monseigneur Charles de Valois vigoreusement comme un homme duit à la guerre. Et encontre luy estoit monseigneur Guillame de Jullers le clercq qui fut à la bataille de Courtray capitaine des Flamens et frère à celuy Guillame de Jullers qui fut ochis à Furnes quant le fils du conte d'Artois y fut tués. Et en celle bataille de monseigneur Charles fut monseigneur Guillame de Jullers ochis, et bien XXV mille Flamens sans les Franchois.
Sy furent Flamens desconfis, et monseigneur Guillame de Jullers y eult la teste coppée et mise au bout d'une lanche devant la tente du roy. Et demoura le roy au champ, et dura la bataille de basse nonne jusqu'à la nuit qu'on aluma les torsses pour aller encontre du roy lequel eult belle victoire ycelle journée, mais moult y perdy de bonnes gens, et, se son propre corps ne fust, sa bataille eult esté desconfitte. Et fut l'an de grâce mil IIP et III le merquedy après la my-aoust ^
