XXX[I« HYSTOIRE
Le second siège de Lille.
Le tierch jour après que la bataille eult esté, le roy se party et toutes ses gens dti Mont-en-Peules, et allèrent assiégier Lille, Et quant les Flamens le sceurent, ils s'appareillèrent tous vistement et de bonne volenté. Et pour
' La bataille du Mont-en-PéYèle fut livrée le 18 août 1304.
ce qu'ils avoient laissiet leurs tentes et pavillons en la bataille, ils en fisrent de nouveaux de drap de Flandres de touttes couleurs et n'espargnèrent ne or, ne argent. Et se vinrent logier devant le roy au plus près qu'ils peurent, sur l'eawe de Marque d'encoste Lille, et monstrèrent au roy et à ses gens bien visage et faisoient samblant qu'ils n'avoient riens perdu.
Et en ce tamps Jehan de Haynault et de Holande faisoit adont l'arière-garde de lost du roy de France, et sy avoient les Hainuyers avoeques luy. Et entandis qu'on tenoit siège devant Lille, on apporta nouvelles à Jehan de Haynault que Jehan le conte de Haynau son père qui gisoit malade à Mons en Haynault, estoit trespassés. Et adont print Jehan de Haynau congiet du roy de France et se party de luy ; et emmena avoec luy moult de bonne chevalerie, et en allèrent à Mons. Se fut le corps apportés à Valenchiennes et mis en sépulture en l'église des Frères- Mineurs. Et fist-on venir une croix et une chappelle où on déposa le corps à aporter. Sy l'appella-on : la belle croix en Haynault, et la chappelle fut faite en l'onneur de saint Jehan duquel le conte portoit le nom, et furent faites et scituées entre Quiévrain et Mons, dont on voit encore l'apparant. Et ce fut l'an de grâce mil IIP et IIII environ le Saint-Bertolemé.
Le conte Jehan fut moult vigoreux en son tamps, et moult eult à faire en Haynault, en Holande, en Zélande, dont il vint bien à chief, et sy eult de Philippe de Luxembourc sa femme IIII fils et V filles qui furent toutes noblement mariées ainsy que dessus est dit.
iâ4 RÉCITS.
XXXIIIe HYSTOIRE.
Comment, après le trespas du conte Jehan de Haynault, de Rolande et de Zélande, Guillame son aisné fils succéda au règne de son père et fut pareillement conte de Haynault, Holande et Zélande.
Après la mort du conte Jehan de Haynau, de Holande et de Zélande, Guillame son aisné fils lequel demouroit en Holande quant monseigneur son père trespassa, de quoi il advint qu'entandis qu'on estoit au Mont-en-Peules, monseigneur Guy de Flandres à tout grant plenté de Flamens et de gens d'armes avec les renoyés de Holande et ceulx de Renesse à tout grant navire vindrent sur le pays de Zélande et y fisrent moult de domages. Et vint monseigneur Guy de Flandre devant la ville de Sirizel •. Et quant Guillame de Haynau le sceult, à qui la terre estoit, il s'en vint sur les dunes à tout ce qu'il peult avoir de gens, et planta et drescha sa banière en terre et deffendy sy bien la ville parmi ceulx qui luy venoient, qu'il se combaty luy et ses gens à tout l'ost monseigneur Guion de Flandres la nuit Saint-Laurent toutte nuit et lendemain. Et là y eult sy pénible, sy terrible, sy orrible et sy grande ochision et mortele bataille que la rivière en fut toutte vermeille le cours de II lieues et plus. Et tant se combatirent que monseigneur Guy fut prins et ses gens desconfis ; car ainsy qu'ils retournoient, ils rencontrèrent monseigneur Charles de Grymaus ^, admirai de mer de par le roy de France, lequel
• Zierickzee.
* Renier Grimaldi.
print monseigneur Guion de Flandres et l'amena à Guillame de Haynault comme prisonnier. Et le dit Guillame l'envoia par ledit admirai au roy de France et fist Guillame de Haynau seigneur de Sirizel.
Et quant le sire de Maldenghien qui estoit sur terre à tout VHP hommes, vid la desconfiture, luy et ses gens s'en allèrent jusques aux dunes de la mer où ils avoient mandé des nefs pour passer en Flandres, mais ils se rendirent à la volentë de monseigneur Guillame de Haynault sauf leurs vies et leurs membres. Et en celle journée messire Jehan de Renesse et le sire de le Lede et pluseurs avoec eulx qui s'enfuyoient, se noyèrent tous au passer une rivière qu'on nomme le Laicque. Et les gens de commun y furent prins avoec monseigneur Guy de Flandres, et depuis les fist-on ouvrer aux fortresses d'entour Sirizel, et convenoit qu'ils revenissent chacune vesprée au son d'un cornet sur les testes copper.
Et ceste bataille et desconfiture fut faitte la nuit saint Laurent l'an mil IIP et IIII, pour quoy le conte Guillame de Haynault juna et veilla puis toutte sa vie la nuit saint Laurent pour la belle aventure et victoire que Dieu et monseigneur saint Laurent luy fisrent et donnèrent à celle journée \
Et en l'an après mil HP et V monseigneur Guillame de Haynault print à femme la fille de monseigneur Charles de Valois qu'on appelloit Jehenne, et en eult de luy HII fils et IIII filles, dont les III fils morurent josnes et gisent en l'église de Saint-Jehan en Valenchiennes, tous III dessoubs une tombe assez près du grant autel, et le IIIP eult nom Guillame, lequel tint la terre et les contés après la mort
' Le combat naval de Zierickzee fut livré le 10 août 1304.
du conte Giiillame son père, et fut moult preux, vaillant, hardit et entreprenant dès sa jonesse, et fist pluseurs haultes et loables oevres chevallereuses de son corps tant qu'il vesquit. En la fin il alla sur les Frisons par assez petit conseil qu'il eult et y morut au XXVII* an de son eage, sy comme vous orez chy-après.
L'aisnée des filles suer de Guillame eult nom Margueritte et eult à raary le duc de Baivière, roy d'AUeraaigne et empereur de Rome, et sist à la chayère saint Pierre. Et y ajut l'empereys sa femme d'un beau fils lequel eult nom Loys ; mais puis fist tant le roy de France au pappe de Rome que le pappe escoramenia tous ceulx qui le tenroient pour empereur.
Or nous vous advertirons des aultres III filles du conte Guillame de Haynault.
La seconde eult nom Jehenne et fut mariée au mareschal de Jullers. Sy eurent pluseurs fils et filles.
La IIP fille du conte de Haynau eult nom Philippe et eult à mary Édouart roy d'Engleterre.
Desquelles III filles grandes générations et nobles yssirent.
Et la IIIP fille qui eult nom Yzabeau, demeura en la pourvéance et garde de madame de Valois sa mère, et eult puis à mary Robert de Namur.
Or revenons au siège devant Lille.
XXXIIIP HYSTOIRE.
Comment la paix fut faite devant la ville de Lille entre le roy Philippe le Bel de France qui le avoit assiégye et ceulx de Flandres qui le avoient contresiégiet.
Quant le roy de France eult une espasse de tamps tenu siège devant la ville de Lille, et d'aultre part les Flamens pardevant luy, qui contresiégiet l'avoient \ en faisant et en ayant pluseurs parleraens les ungs aux aultres, en pourcacliant et traictant d'une paix avoir ensamble. En la fin une paix s'y trouva et fut faitte en tele manière que les Flamens renderoient au roy de France pour les fraits et despences qu'il avoit fais en celuy siège XL mille livres de vies gros, par ainsy qu'ils raroient monseigneur Robert de Béthune et monseigneur Guillame son frère, et de celle somme bien payer demouroient en gaiges Lille et Douay. Et quant les Flamens aroient bien payet ladite somme d'argent, ils dévoient ravoir Lille et Douay paisiblement.
Et quant ce vint grant tamps après ce que monseigneur Robert et monseigneur Guillame son frère furent délivrés de prison, monseigneur Enguerrant de Marigny rechut les XL mille livres de gros de par le roy de France duquel il estoit grant rechepveur général, que les Flamens debvoient, et en eult en couvent à tenir les Flamens quites et paisibles par son signet et séellet et à leur faire délivrer leurs gaiges, ce qu'il ne fist mye ; car onques puis monseigneur Robert, ne ses hoirs n'en furent tenables. Dont ledit mon-
* Il y a ici une lacune de quelques mots.
seigneur Enguerraut de Marigny pour oestre rechoipte et pour pluseurs aultres fut puis pendus et estranglés à Monfaucon à Paris, quant le beau roy Philippe fut mort, comme vous orez chy-après.
En l'an mil IIP et VI morut monseigneur Guy conte de Flandres en la prison du roy de France assez près du pont à Compiengne en une grosse et forte tour où il fut mis ; et Philippe sa fille estoit de traveil de sa prison et ossy de grant desplaisir et long ennuy trespassëe ung peu devant la mort de Guy son père.
