XXXVII* HYSTOIRE
Comment le conte Guillame de Haynau assiéga la ville de Thuia contre monseigneur Thiébault, évesque de Liège.
Après ces advenues que cy-dessus vous avons dit, une guerre s'esmeult entre monseigneur Thiébault évesque de Liège et le conte Guillame de Haynault.
Sy avint que en l'an mil IIP et IX à l'entrée du mois d'aoust le conte Guillame de Haynault alla à tout son ost mettre le siège devant la ville de Thuin qui est à l'éveschiet de Liège. Lequel évesque de Liège vint à l'encontre de luy à tout son ost.
Sy faisoit le conte Guillame de Haynault souvent et menu jetter de ses engiens dedens la ville de Thuin ; sy y eult maints targemens en ce qu'on y tint siège et maints paletis, hustis et bucquetis des ungs et des aultres, car on y sist l'espasse de XXXII jours. Et une journée l'èvesque de Liège et son ost et le conte de Haynault et tous ses gens d'aultre part furent rengiés sur les champs pour combatre par ung merquedy.
En la fin preudhommes et bonnes gens s'en meslèrent et
vorrent parler et traittier de la paix faire. Et tant allèrent de l'un à l'autre que une journée de paix fut priuse, et à tant se départirent les II osts qui moult furent grans et plentureux.
XXXVIIle HYSTOIRE.
Comment le coote Henry de Luxembourc mist siège devant Ais où il fut couronné roy d'AUeraaingne et puis empereur de Rome, et comment il fut empoisonnés de Tostye dont on l'acommenya.
En l'an mil IIP et X alla le conte Henry de Luxembourc tenir siège devant Ais pour estre roy d'AUemaingne, et y fut tant, sans le dessiégier, ne venir contre luy, que ceulx de la ville le rechuprent, et fut couronnés comme roy d'AUemaingne. Et puis s'en alla à Rome à force d'armes, et conquist maintes cités et maints chasteaux, et y eult pluseurs batailles, et tant fist, avoec l'ayde de Dieu, qu'il fut couronnés comme empereur dedens la cité de Rome. Et là fut l'évesque Thiébault de Liège tués et grant plenté des gens de l'empereur à ung assault qui fut au retourner qu'il fist de Rome, en prenant villes et chasteaulx. Et entandis qu'il estoit à séjour devant Parme la ville, là fut-il empoisonnés en la propre ostye de quoy on l'acommenioit par ung sien chappelain qui estoit de l'ordre des Jacobins, dont ce fut domage et grant pité.
Il avoit régné II ans en bon estât et fut ensevelis en la cité de Pize en la grande esglise, et furent ses os mis en ung coffre et pendut en air enmy l'église à chaynes d'argent,
Sy fut puis son fils roy de Behaingue et conte de Luxembourc.
Gel empereur Henry de Luxerabourc fut confermés à la haultesse et majorité de l'empire et prononchiës et proclamés empereur de Rome par le pappe Clément V® de ce nom, et fut couronnés à Melan de la couronne d'achier le prochain merquedy après la Trinité l'an dessus dit. Et après fut couronnés à Rome à Saint-Jehan-du-Latran de la couronne impériale de fin or. Et fut le LXIIIP empereur ; car, puis la mort de l'empereur Frédéric qui fut le LXIII* empereur et trespassa en l'an mil IP et LI, neult à Rome empereur jusques au tamps de cel empereur Henry qui trespassa Tan HP et LUI. Dont il avint qu'après la mort de l'empereur Henry furent eslevés à roy d'Alleraaingne en desconfort de l'élection et ne se peurent acorder à une personne, pour quoy une partye eslisy le duc Loys de Baivière à roy d'Allemaingne, et se combaty au duc d'Ostrice en la bataille, lequel duc d'Ostrice y fut prins par le roy de Behaingne qui estoit en l'ayde du roy d'Allemaingne et le livra au dit roy Loys lequel le tint grant pièce en prison.
