XLV« HYSTOIRE

Le mariage Loys de Bavière roy d'Allemaigne et de Margueritte la fille au conte Guillame de Haynault.

En l'an mil IIP et XXIII espousa le roy Loys d'Allemaigne et duc de Bavière Margueritte la fille aisnée du bon conte Guillame de Haynault, de Holande et de Zélande ; et puis s'en alla à grant plentet de gens d'armes à Rome pour estre couronnés à empereur. Et mena avoec luy Marguerite la royne sa femme. Et tant fist parmy l'ayde de Dieu qu'il 'passa parmy Lombardie et vint à Rome et fut couronnés et eult toutes ses droitures ainsy comme dessus est dit. Dont le roi de France fut moult courchiet, quant il sceult que le duc de Bavière roy d'Allemaigne estoit empereur et couronné des III couronnes impériaulx par le pappe Jehan. Et fut ledit Loys de Bavière le LXV* empereur. Et là en la ville de Rome l'erapereys sa femme s'y ajut d'un beau fils qui eult nom Loys et fut puis roy du royalme de Carlzoe.