XLVI« HYSTOIRE

Comment Loys conte de Flandres ardit la ville de Courtray.

En l'an mil IIP et XXVI se combaty le conte Loys de Flandres contre ceulx de la ville de Courtray, et y bouta le feu, et fut toutte arse dechà le Lis. Et là fut monseigneur de Crèvecoeur tués en une grande bataille qui fut le second vendredy devant le Saint-Jehau-Décolace. Et le conte fut prins et menés en prison au befFroy de Bruges. Et sy coppèrent à VII de ses chevalliers les testes.

XLVIIe HYSTOIRE.

Comment le roy d'Engleterre encacha sa femme, son fils et son frère hors du rovalme.

En l'an mil III« et XXVI avint qu'il y avoit en Engleterre ung chevalier qui estoit du conseil du roy d'Engleterre et maistre de son hostel, et s'appelloit ledit chevalier Hue Le Despensier. Et en la fin le roy le crut tant que par son conseil le roy encacha hors d'Engleterre Ysabeau sa femme et son fils et le frère du roy. Et en convint la royne aller en France plaindre au roy Charles son frère et à ses amis du roy Édouart son mary qui luy avoit fait tel honte, et sy ne savoit à quelle raison, ne pour quele cause fors par le conseil d'un sien chevalier Hue Le Despensier ; mais la royne ne trouva personne en France, ne cousin, ne

aultre qui luy volsist aidier encontre le roy d'Engleterre son mary. Sy en fut laroyne moult courchye et moult esbahye, et se party à tant du roy son frère et des princes d'avoecques luy. Et eult en son conseil qu'elle s'en yroit en Haynault et que là trouveroit-elle Jehan de Haynault seigneur de Beaumont, frère du conte Guillame de Haynault, lequel fut preux et vigoreux, volentieu et bien amé de tous les bacelers, et que à luy recouveroit-elle de aide s'elle l'en requéroit. Et adont partit-elle de la cité de Paris et s'en vint en Haynault au plus tost qu'elle peult.