XLIX« HYSTOIRE

Comment le roy Edouart d'Engleterre manda monseigneur Jehan de Haynault en secours contre le roy David d'Escoche.

Or avint ung an après celle revenue de quoy nous avons parlé cy-dessus, que le roy Edouart d'Engleterre qui cuidoit estre en paix en son pays, se trouva assaUis en son royalrae ; car le roy David d'Escoche vint et entra en Engleterre à tout son ost, ardant, gastant et destruisant tout le pays d'Engleterre pour ce que le roy estoit josne. Et quant le roy Edouart le sceult, il assambla son ost à Wervic et manda monseigneur Jehan de Haynault en secours par moult grande amisté et qu'il amenast des bons

gens d'armes, et il les déliveroit de tous fraicts bien et courtoisement.

Et quant monseigneur Jehan de Haynault eult oy les messages, il manda tantost des chevaliers et des gens d'armes. Et premier il eult avoec luy le marquis de JuUers, monseigneur Hue de Saint-Pol, monseigneur d'Enghien, monseigneur Henry d'Antoing, monseigneur du Roets, monseigneur Gérard de Havrech, monseigneur de Faignuelles, monseigneur Symon le Bastard, le sire de Tupigny, monseigneur Hector Villain, de Flandres, tous à banières sans les aultres bacelers. Et furent nombres à VIP et IIIP" healmes à XV'= chevaulx à la délivrance du roy. Et quant ils furent tous assamblés, ils se partirent de Haynault et montèrent à Wissant environ l'Assencion l'an mil IIP et XXVII, et arivèrent à Douvres, et chevauchèrent tout le chemin jusques à Saint-Thomas de Cantorbie et de là jusques à Londres, et là séjourna II jours, et puis chevaucha tant qu'il vint à Wervic à tout son ost où les osts du roy d'Engleterre se reposoient. Et conduisait l'ost monseigneur Jehan de Haynault monseigneur Gilles de Beauchamp uug preudon chevallier d'Engleterre.

Sy vint le roy d'Engleterre et maints haulx barons encontre monseigneur Jehan de Haynault et ses gens, et leur fist-on grant feste et grant honneur. Et là séjournèrent les osts du roy d'Engleterre en attendant ses gens environ VI sepmaines. Et estoient ceulx de Haynault logiés en ung fourbourc entre la porte de la ville et la porte des champs, et y avoit une abbaye de blans moisnes où monseigneur Jehan estoit logiés.