L« HYSTOIRE
Comment les gens l'évesque de Nicole coururent sus aux Haynuyers.
Quant ce vint après le jour de la Trinité, en tandis que les chevaliers se dormoient et s'esbanioient leurs gens l'un à l'autre et qu'il faisoit bel et chault, ung chevalier vint de la terre de Nicole à tout grant plenté de saudoyers et coururent sus aux gens de Haynault de fait avisé, et fermèrent les portes des champs pour enclore les Haynuiers que nul n'en yssist. Et les Haynuyers se defFendireut vigoreusement et crièrent : « Hayiiault ! »
Adont se commenchèrent les chevaliers à esveillier, et monseigneur Jehan sallit sur son cheval qu'on luy avoit appresté. Et monseigneur Percheval de Lalain devant luy à tout sa banière. Et fist sonner la trompette.
Adont yssirent les chevaliers et les gens d'armes tous hors. Et ceulx qui estoient logiés dedens ces fourbours, à tout banières et pignons que ce fut moult belle chose à veoir et à regarder. Et les Englois de Nicole traioient drut comme nesge. Sy navrèrent et tuèrent moult de beaux chevaulx, mais les gens d'armes ne pooient-ils adomagier. Et Haynuyers se defFendoient : sy en tuoient, navroient, abatoient et décoppoient. Et quant ils perchurent qu'ils estoient enclos, monseigneur Jehan de Hertaing ung chevalier de Haynault print ung maillet d'un carelier qui demouroit dehors la porte, et bucqua, mailla et frappa tant qu'il abaty et rua la porte par terre.
Là avoit plenté de saudoyers à pied de la terre de Nicole. Et là fut la bataille. Et férirent les Haynuyers entre eulx.
Sy les décoppèrent et tuèrent. Et sy bien s'éprouvèrent les Haynuyers qu'en petit d'heure il y eult tué des Englois de Nicole IIP et LXX. Et le remanant s'en fuy.
Adont retournèrent les Haynuyers tout bellement, chevauchant sur frain, les banières devant eulx, devant la porte de la ville. Et le roy envoia encontre eulx II chevaliers qui leur ouvrirent la porte, et leur disrent qu'ils retournassent et que la ville ne leur voloit fors que tout bien et que le roy leur feroit amender à leur volenté.
Adont retourna monseigneur Jehan de Haynault et ses gens en leurs ostels tout bellement. Et lendemain on fit enqueste sur les Haynuyers pour savoir lesquels avoient eu tort. Sy ala-on par tous leurs ostels pour agrever les Haynuyers se les Eiiglecqs peussent ; mais on trouva qu'ils avoient droit et qu'à maise cause les Englois de la ville de Nicole leur avoient courut sus.
Adont fisrent les Haynuyers le guet en leurs ostels toutes les nuis. Et fist monseigneur Jehan de Haynault la nuitie de la bataille tous les mors enfouir, qu'on pealt trouver, par quoy on ne les veyst plus jamais.
Lie HYSTOIRE.
Comment monseigneur Jehan de Haynault fut prisonnier aux Escochois et comment, après sa renchon paye, le mariage fnt fait de Edouart roy d'Engleterre et de Philippe la fille au conte Guillame de Haynault.
Après ces choses cy-dessus récitées le roy Édouart d'Engleterre et monseigneur Jehan de Haynault et leurs gens s'approchèrent des Escochois. Et y eult entre eulx pluseurs
hurtis, cliquetis et abatis, et tant que monseigneur Jehan de Hajnault y fut prins et prisonniers des Escochois qui le misrent à renchon qu'il paya. Et en la fin se partirent les Escochois et en râlèrent hors d'Engleterre où ils avoient gasté et brûlé piuseurs places et bonnes fortresses, et rentrèrent en Escoche.
Et ce fait, le mariage fut fait du roy d'Engleterre et de Philippe la fille au conte Guillarae de Haynault, Rolande et Zélande, laquele on luy amena moult noblement en l'an mil IIP et XXVII environ la Toussaint.
