LIP HYSTOIRE
La mort du roy Charles de France, fils du roy Philippe le Bel.
En ce tamps avint que le roy Charles de France qui fut fils au beau roy Philippe de France, ala de vie à mort. Et fut l'an de grâce mil IIP et XXVII. Il avoit régné X ans et n'eult nul hoir de nulles de ses femmes vivans à celuy jour qu'il trespassa.
Sy demeura le royalme de France soubs régent une grande espasse de tamps que les royaulx ne sçavoient de quy faire roy, ne quel fust le plus prochain de la couronne.
En la fin s'avisa le conseil de France, et furent d'accord par le conseil du conte Guillame de Haynault, de Holande et de Zélande et par monseigneur Robert d'Artois et aultres du conseil qu'ils feroient roy de France de Philippe de Valois qui estoit fils à monseigneur Charles qui avoit esté frère au beau roy Philippe de France. Et laissoient quoy le roy Édouart d'Engleterre qui estoit fils de la fille au
beau roy Philippe de France Taisnée de tous ses enffans. Et furent les III fils du dit Philippe le Bel l'un après l'autre roy, et morurent roy sans hoir. Dont le royalme est e?cheu au dit roy Edouart après la mort de son grant-père et de ses III oncles frères à sa mère. Et sur le conseil de France couronnèrent le dit Philippe de Valois à roy de France, et fut sacrés à Rains en l'an de grâce mil IIP et XXVIII environ la Pentecouste.
Et tantost après ce couronnement le conte Loys de Flandres se plaindist au roy Philippe de France de ses villes de Flandres et de ses gens qu'ils ne voloient obéyr à luy, mais luy avoient tué de ses chevaliers, et luy-mesmes pris et emprisonné, et pluseurs aultres choses, dont il en requéroit au roy de France vengance et ayde. Et le roy de France lui eult en couvent que temprement il l'en vengeroit. Et releva le conte de Flandres sa terre de Flandres et d'ailleurs du roy deFrance et en devint son homme, sy comme droit estoit.
Et peu après le roy de France fit faire ses semonses par tout ses pays, et assambla grant ost de gens d'armes, et le conte de Flandres ossy, pour aller sur Flamens.
LIII« HYSÏOIRE.
Une bataille qui fut du roy Edouart d'Engleterre et du roy David d'Escoche et de leurs gens.
En l'an mil 11^ et XXVIII entandis que le roy Edouart d'Engleterre estoit à repos avoec la royne Philippe sa femme comme gens qui estoient ainsy que nouvellement
iiiicirs. 149
mariés et rais ensamble, advint que le roy David d'Escoce et ses gens de rechief entrèrent ens ou pays d'Engleterre moult efforcéement ardant, gastant et exillant quanqu'ils trouvèrent et où ils pooient entrer.
Et quant le roy d'Engleterre le sceult, il alla au devant moult vigoreusement et manda et assambla ses gens en son ost hastivement et ses archiers tant qu'il en eult assez pour combatre. Et puis alla à l'encontre du roy d'Escoce, vistement, hardiment et à bon visage. Et là eult une bataille sy fîère et sy aspre et.sy à desmesurëe qu'on n'oyt piècha parler de plus cruele, plus mortele, ne plus périlleuse. Et y eult sy grande ochision d'une partye et d'aultre que ce fut une grande et indisible pité, et longuement dura.
En la fin les Escochois ne seurent plus souffrir, ne soustenir l'estour, ains tournèrent les dos et furent desconfis. Et les Englecqs les encachoient, en eulx tuant, navrant et abatant. Et tant les cachèrent les Englecqs que les Escochois furent hors de la terre d'Engleterre. Et y eult sy grande desconfiture celle journée qu'il y eult bien de mors XXX mille hommes d'Escoce sans les Englecqs.
Et tant les cacha le roy d'Engleterre qu'il entra en Ybernie au royalme d'Escoce par force, et y mist gens en garnisons de par luy, et puis s'en retourna en Engleterre.
i50 RÉCITS.
LIIIP HYSTOIRE.
La bataille du mont de Cassel du roy Phelippe de France et ses gens contre les Flamens.
Après la grande et murdrière bataille des Englès et des Escochois dont nous venons de faire mention, et tost après ce que le roy Philippe de France eult esté couronné et qu'il eult assemblé son ost, luy et le conte de Flandres, comme dessus avés oy, le roy passa le Lis au lez devers Aire, pour aller en Flandres, et quant ils entrèrent en la conté, ils eomraenchèrent à brûler et gaster le pays ; et alla le roy logier au pied du mont de Cassel à l'un des lés, et le conte Guillaume de Haynault et le conte de Bar à l'autre lés, et tous les aultres princes au plus près qu'ils peurent. Sy y sist-on grande espasse de tamps. Et quant ce vint le mardy qui fut la nuit Saint-Bertelemieu en aoust mil et IIP et XXVIII \ les Flamens qui estoient assemblés sur le mont de Cassel, de Bergues et des villes voisines, descendirent de celuy mont, sans nul capitaine, en trois batailles pour eulx adreschier droit aux tentes du roy. Ainsy estoit leur pourpos. Et tout quoit taisant commenchèrent à passer et à entrer en Tost, sans parler, ne faire noise, ne sans rien fourfaire, hardiement et soubtillement jusque là où on vendoit le vin et les viandes. Et adont se perchureut les dis vendeurs de denrées, que estoient Flamens qui ainsy venoient espès et drus, ces goudendas et ces picques à leurs cols. Et adont se commeucha l'ost à
" La bataille de Cassel eut lieu le 23 août 1328.
RÉCITS. loi
esmouvoir de toutes pars et à cryer : « A l'arme ! » Dont se comraenchèrent les Flaraens à tenir quois, et coramenchèrent la bataille bien et asprement, et à férir et à tuer et à décopper de haches et goudendas, et Hainnuiers et Barois à eulx deffendre, et François à sourvenir, et chevaliers et gens d'armes à yssir de leur tentes et courir sus aux Flamenshardyement. Adont leur coururent sus toutes manières de gens, François et aultres. Sy y eult sy grande bataille et sy grande abatison en pluseurs lieux et sy grande noise que ce fut une merveille ; et Flamens qui estoient sans capitaine, commenchèrent à perdre conroy et eulx rassambler au raieulx qu'ils peurent, mais peu leur valu ; car, ainsy qu'ils s'en voloient râler vers le mont, la bataille du comte Guillaume de Haynault leur vint au-devant, qui leur tolirent le pas, et là eult grande bataille et grande ochision, et là eult le conte de Haynaut et son frère et leurs gens moult à faire, et d'aultre part le conte de Bar et ses gens. Et y fut le conte de Haynault moult froissés, en ses jambes et en ses pieds, de coups de goudendas et d'aultres bastons, et moult y eult grant caplison entour luy, car il avoit bien les deus pars des Flamens sur sa bataille. Sy y eult grande ochision, et fut son cheval tué dessoubs luy de picques et goudendas, et durement y fut blechiés, mais ses gens le rescourent et remontèrent bien et vigoreusement. Adont recommencha la bataille plus forte que devant en pluseurs lieux, et longuement dura. Et en celle bataille y fut le Borgne de Robersart féru d'une picque deseure son senestre œil dessoubs son bachinet, dont jamais puis ne parla, dont ce fut grant domage, car il estoit bon escuier et avoit esté en maintes bonnes besongnes. Et là fisrent bien les royaulx, les Barois et les Hainnuiers. En la fin Flamens furent desconfis et tous tués, ne nul n'en eschappa se petit
non, de bien XV mille Flamens, sans les Franchois, Hainnuiers et Barois qui y furent tués. Et dura la bataille depuis nonne jusques au vesprequelesbanièresduroyetlesbanières du comte de Haynault entrèrent et furent mises en Cassél, et bouta-on le feu dedens la ville qui fut toute arsse. Et le joeudy après, le roy se desloga et alla devant Yppre et se logaen la ville de Fourmisèle et laissa monseigneur Ferry de Picquegny gardyen de Bergues et des frontières d'environ, laquele ville de Bergues s'estoit rendue au roy et venue à mercy en l'ost en pur les chiefs et les cottes, et les clefs en ungglave. Sy les charga-onet bailla à monseigneur Ferry, et les mena-on à Bergues. Et quant le roy|eult uneespasse tenu son siège devant Yppre, elle se rendy, et lendemain on bany hors de la ville d'Yppre et de la conté de Flandres environ XP de ceulx qui estoient contraires à la ville et anemis, et leur fist-on laissier toutes leurs armures et leurs paremens. Et ossy se rendy la ville de Bruges : sy en bannit-on ossi grant plenté des mauvais ; et ossy ât-on de Gand. Et le conte ^ leur eult en couvent à tenir paisibles aux us et aux coustumes de ses ancesseurs, mais non fist, dont il fist folye ; car il fist puis copper les testes à maints preudhommes qui couppe n'y avoient, et enroer et raartirissier, et mettre sur quars tout nuds et faire copper les coroyes de leurs chars, et puis s'aller ^ à maise cause, dont il ne joyt oncques puissedy de Flandres tant comme sire ; et fut puis tués en la bataille à Cressy à le Blanche- Tache avoec les aultres, sy comme vous orés chy-avant.
' Le ms. porte : le roy ; mais il faut évidemment lire : le conte. * Il faut peut-êti'e lire : Et puis s'alla à maise cause.
LVe HYSTOIRE.
Comment le roy Philippe de P'rance manda au roy Édouart d'Engleterre qu'il venist relever sa terre de luy.
Après ce que le roi Philippe de France reult mis le conte de Flandres en sa terre paisiblement ainsi que vous avés oy, et que le roy s'en fut raies en France, le roy s'avisa graut tamps après et eult conseil qu'il mandast au roy d'Engleterre son cousin salut et araisté et qu'il venist faire homage et relever sa terre (de che qu'il en tenoit dechà la mer au royalme de France) ainsy qu'il appertenoit, et qu'il le trouveroit à Amiens à la Pentecouste l'an mil IIP et XXIX. Lequel roy d'Engleterre, par le povre conseil qu'il eult et comme celuy qui ne se donnoit garde de ce qu'il faisoit et qui nul mal n'y pensoit, s'en vint honnestement et honnourablement en la cité d'Amiens où le roy de France l'attendoit à ung parlement qu'il y tenoit.
Sy luy fist-on grant honneur et grant feste. Et quant on eult disné et festoyé, le roy de France appella le roy d'Engleterre et le print par la main, et par devant tout son conseil qui là estoit, et les barons, le roy d'Engleterre luy ôst homage de tout che qu'il tenoit de luy, et le roy de France le rechut, et baisèrent l'un l'autre. Et de ce fist-on bonnes lettres scellées dont chacun eult la contrepartye. Duquel homage grant meschief advint puissedy au royalme de France, en Gascongne, en Bretaigne, en Normendye, en Escoche et en pluseurs aultres lieux, dont ce fut pité ; car tant de villes, tant de moustiers en furent ars et destruis, et tant d'hommes ochis, et tant de femmes et fle filles
allées à perditiou, et tant d'orpheuins, et maint roy et maint conte, ducs et chevaliers tués et mis à fin, que autant vaulsist que les II roys ne fussent onques nés, sy comme vous orez cy-après.
