LXIII« HYSTOIRE
La mort du bon conte Guillame de Haynault, de Holande et de Zélande et sire de la Basse-Frise.
Après ce que le parlement se fut départy de Valenchiennes comme dessus est récité, le conte Guillame de Haynault qui moult estoit malade de gouttes et avoit esté de piècha, passa de vie à mort et paya la debte de ce siècle que doibt toute nature humaine ayant vie et estre, à l'ostel de Holandes à Valenchiennes VII jours au mois dejuing l'an de grâce mil Iir et XXXVII. Et fut ensevelis à Saint- Francliois en la dite ville moult honnourablement, et y eult moult de vaillans hommes à l'ensépulturer et mettre en terre, et évesques et abbés.
Lequel conte Guillame eult IIII fils et IIII filles, et morurent les III fils jones enffans, et gisent à Saint-Jehan à Valenchiennes comme nous avons piècha dit. Et le quart fils eult nom Guillame et fut conte de Haynault après la mort de son père.
Celuy conte Guillame fut ochis en Frise par son oultrage sy comme vous orez cy-après. Il eult à femme Jehenne la fille au duc de Brabant.
Et la première des IIII filles eult nom Margueritte et eult à mary Loys de Bavière roy d'Allemaigne qui fut puis empereur des Romains.
La seconde eult nom Jehenne et eult à mary le marquis de Jullers.
La tierche fille eult nom Philippe et eult à mary Édouart roy d'Engleterre.
Et la IIIP fille eult nom Yzabeau qui estoit la maisnée. Celle demoura en garde à la contesse Jehenne de Valois et contesse de Haynault sa mère pour ce qu'elle estoit à maryer. Laquele contesse se rendy grise nonne à l'abbaye de Fontenelle à une lieue de Valenehiennes après la mort du conte Guillame son mary.
Desquelles filles devant dites yssirent grant plenté de fils et de filles, dont grant linage yssy, et furent tous bons, hardis et vaillans chevalliers.
LKIIII" HYSTOIRE.
Comment le roy Edouart d'Engleterre passa par dechà mer et alla en AUemaigne et en pluseurs aultres pays faire alliances contre Philippe le roy de France et ses aidans.
Tantost après ces choses dessus dites, le roy Edouart d'Engleterre passa mer et alla en AUemaigne et ailleurs faire alliances à l'empereur d'Allemaigne et à ses enfFans et au marquis de Jullers, au conte de Mons, et puis à monseigneur le duc de Brabant, à monseigneur Jehan de Haynault et au seigneur de Faucquemont ossy (fors en Flandres). Et luy promirent tous à aidier à poursievir son droit contre le roy Philippe de France et tous ses confortans.
