LXV^ HYSTOIRE

La grande bataille de Gagantqui fut la nuitSaint-Martia.derévesque de Nicole et ses gens et de monseigneur de Mausny contre les Flaraens,

Quant le roy Édouart d'Engleterre eult toutes ordonnées et faites ses alliances à ceulx à qui il sceult que bon luy '^fust, il print congiet au duc de Brabant. Et luy dit au départir qu'il venist sceurement descendre en Anvers à tout ses gens quant il pooit. Adont monta le roy en mer et singla tant qu'il vint à Londres.

Et ne demeura gaires que le roy Édouart envola l'évesque de Nicole, le comte deNorantone et monseigneur Gaultier de Mausny à tout grant p lente d'archiers et de gens d'armes et grant plenté de nefs, où il y avoit plenté de laynes, pour mener en Flandres et pour parler aux Flamens de par le roy. Et s'aparilla l'évesque et ses gens, et montèrent en mer, et singlërent. tant et sy radement qu'ils vindrent contre Gagant. Et quant le bastard de Flandres et ses gens les appercliurent, ils cryèrent aux armes. Et quant l'évesque l'entendy, qui bien sçavoit la voie, luy et ses gens descendirent à terre, et les archiers à l'un des lés ung peu devant eulx, et commenchèrent fort à traire moult druement, et les gens d'armes à férir ensamble et à combatre bien et hardiment, et là eult grande ochision et longuement dura. Et en la fin, les Flamens furent desconfis, et y fust Loys le bastard de Flandres navrés et prins et menés es nefs, et y eult bien de mors XI mil hommes, et le remanant s'enfuy. Ce fut la nuit Saint-Martin en yver l'an mil CGC et

XXXVII. Dont rentra l'évesque de Nicole et ses gens en leurs nefs, et tournèrent leur chemin vers Anvers, et là fist l'évesque deschargier les laynes et les sacqs, et puis retournèrent en Engleterre et contèrent au roy comment ils avoient ouvré. Adont n'attendy gaires le roy qu'il ne fesist deflfendre à tous les pors d'Engleterre que riens ne venist en Flandres : dont ceuîx de Flandres furent moult esbahis et moult desconfortés , et moult eurent grant disette, grande espasse de tamps, car les gens de commune n'avoient que gaingnier, et leur en convenoit widier le pays.