LXVI« HYSTOIRE

Comment le roy Edouart d'Engleterre envoya l'évesque de Nicole deflFyer le roy Philippe de France et tous ses allyés.

Tantost après la desconfiture de la bataille de Gagant dont cy-dessus venons de faire mention, le roy d'Engleterre envoia defiSance au roy de France par l'évesque de Nicole, à quoy le roy de France respondy que le roy d'Engleterre n'aroit pas le royalme de France par menaches et qu'il estoit assez puissant contre luy.

Et quant l'évesque de Nicole fut retournés, le roy d'Engleterre, entre luy et sa femme, se partirent de Londres et arivèrent à Anvers à tout grans gens pour aller sur le roy de France. Et y séjournèrent tant que la royne d'Engleterre s'y acoucha d'un fils qui fut appelle Lyonniau, et fut en l'an mil IIP et XXXVIII.

LXVIIe HYSTOIRE.

Comment le roy Édouart d'Engleterre s'en alla en AUemaigne parler à l'empereur et à ses allyés.

En tandis que la royne d'Engleterre gisoit d'enfant en la ville d'Anvers, comme nous avons cy tout près dit, le roy Édouart, son mary, s'en alla en Flandres et en Allemagne et ens es pays d'environ pour parler à ses allyés et au roy d'Allemaigne qui estoit empereur , pour eulx secourre d'ayde, ainsi qu'ils lui eurent en convent, parmy ses deniers donnans, dont il y avoit aucuns qui estoient allyés au roy Philippe de France, et s'ils voloient garder et tenir leur serment, il convenoit qu'ils allaissent à l'empereur leur seigneur, et le fesissent sceoir en siège magestal et renouveler son empire, et là feroit-il du roy d'Engleterre son vicaire pour obéyr à luy, et ainsy furent-ils d'accord qu'ils yroient. Sy y allèrent et trouvèrent l'empereur à Convilence, en AUemaigne, et eurent conseil des barons du pays et de l'empereur raesmes, qu'il seroit renouvelés à empereur comment qu'il en fut ; sy en fist-on ainsy, comme vous orés chy- après.