LXVIII« HYSTOIRE

Comment l'empereur fut en siège magestal atournés d'aornemens impériaulx.

Le samedy devant la Nativité Nostre-Dame en septembre l'an de grâce rail IIF et XXXVIII assamblèrent les barons d'Engleterre les esliseurs qui estoient à ce commis et prinrent Loys de Bavière l'empereur et l'assirent et posèrent au siège magestal sur ung trosne de XII pieds de liault. Et estoit vestu d'ung drap de soye changant, et par deseure du damaticle, et en ses bras avoit ungs fanons d'une espenne de large et une estoUe devant croisie en la manière d'un prestre, toute estofFée et semée de ses armes. Et avoit ses pieds cauchiés de pareil drap que le corps estoit. Et avoit son chief atourné d'une mitre ronde, et sur celle mittre il y avoit une couronne d'or moult riche, laquele estoit à fleurons d'or tenans à la couronne. Et devant le front de la couronne il y avoit une croix d'or tenant à la couronne, qui passoit de haulteur les fleurons de la couronne. Et en ses mains il avoit II blans gans de soye, et en ses dois aneaulx moult riches. Et tenoit en sa destre main une pomme d'or et une croix, et en l'autre main tenoit le septre.

Sy séoit dalez l'empereur au destre le marquis d'Euriant et de Misse auquel l'empereur donna à tenir la pomme et la croix d'or. Et assez près de luy séoit le roy d'Engleterre non mye sy hault que l'empereur estoit, vestu d'un drap d'escarlate rouge à ung chastel de broudure en la poitrine. Et au senestre lez séoit le marquis de Jullers à qui il donna à tenir le septre. Et environ II degrés desoubs l'empereur

sëoient les électeurs de l'empire. Et deseure l'empereur estoit le sire de Kuk ou lieu du duc de Brabant en son estant II pieds plus hault que l'empereur ou environ ; et là tenoit-il une espée toute nue en sa main.

Et là estant l'empereur sis en son trosne et haultain siège magestal dist, oans tous ces parolles, de sa proppre bouche qu'il faisoit 'son vicaire et son lieutenant du roy d'Engleterre.