LXIX« HYSTOIRE

Comment Jacques d'Artevelle s'acointa du roy Èdouart d'Engleterre en faveur de ceulx de Flandi'es.

Après le triumphe et renouvellement de l'empereur assis en siège superior et magestal et que les haulx et honnourables convives eurent estes fais et tenus des princes et barons de l'empire, où maintes haultes et bonnes ordonnances furent jurées et confermées à l'onneur et exauchement du siège impérial, adont prinrent congiet les princes l'un de l'autre jusques à ung jour qui mis y fut. Si s'en revint le roi d'Engleterre en Anvers, et avoec luy le sire de Kuk , et trouvèrent Jacques d'Artevelle qui estoit venut pour parler au roy d'Engleterre pour le pays de Flandres. Sy parla tant le dit Jacques au roy et par sy raisonnables parolles et que ceulx de Flandres ne voloient au roy que tout bien et qu'il volsist souffrir que les passages furent ouvers, par quoy marchandise courust, et Jaques feroit tant que Flamens le serviroient à son besoing et obéiroient à son commandement en ses guerres. Et adont

y eult pluseurs parolles dites et respondues, et longuement furent ensamble à parlement. En la fin fut l'accord que Flamens se debvoient tenir tout quois en leur lieu et garder leur pays que nul n'y entrast, tant que le roy d'Engleterre et son conseil yroient en Flandres parler aux bonnes villes, et là en dede|is le dit Jaques parleroit à eulx ; et sur ce point ledit Jaques print congiet jusques à une aultre fuis. Et le roy demoura en Anvers une espasse avoec le duc de Brabant, le conte de Haynault et Jehan de Beauraont, lesquels prièrent tant et la royne ossy audit conte de Haynault que les osts du roy d'Engleterre poussent passer parmi le pays de Haynault sans nul tort faire à luy et pour bien payer. Et tant luy pryèrent qu'il l'ottroia par le conseil du duc et de monseigneur Jehan de Beaumont. Et estoient les osts auques près touttes atrauées et assamblées pour mouvoir.