LXX« HYSTOIRE

Comment les osts du roy Edouart d'Engleterre se partirent de Brabant pour venir au royalrae de France et passèrent parmy Haynault et Cambrésis.

Environ la Saint-Jehan-Décolace l'an de grâce mil III" et XXXIX se party le roy Édouart d'Engleterre hors de la ville d'Anvers à tout ses gens et tous ses osts et tous ses allyés et tous les gens d'armes qu'il avoit assamblés pour aller avoec luy, et chevauchèrent par devers Haynault Et conduisoit l'ost devant monseigneur Jehan de Haynault, le sire de Clers \ le sire de Faucquemont, Henry de Flandres

* Je crois qu'il faut lire : le conte de Clèves.

et monseigneur Gaultier de Mausny qui estoit descouvreur, lequel print et gaigna le chastel de Thuin, et y mist en garde monseigneur Gringnart son frère que ceulx de Cambray encloyrent puis malicieusement et le tuèrent , et menèrent Gaultier de Mausny son frère en prison et le navrèrent la nuit Saint-Martin ; et demeura à garde monseigneur Richart de Lymosin, d'Engleterre, chastelain de Thun, qui bien le garda contre les Franchois.

En la bataille du roy d'Engleterre estoient le marquis d'Euriant et de Misse qui avoit la fille de l'empereur Loys à mariage, et le marquis de Brandebourc, fils de l'empereur de sa première femme, et pluseurs aultres. Et passèrent tous parmi le pays de Haynau où ils fîsrent moult de domages. Et fut le roy à giste à Saint-Sauve dalez Valenchiennes le saraedy après le Sainte-Croix. Et le marquis d'Euriant et de Misse et le marquis de Brandebourc jurent à Valenchiennes, et le remanant enyiron Valenchiennes.

Après s'en party le roy et tout son est, et chevauchèrent vers Cambrésis ; et quant ils furent hors de Haynault et que le roy entra en Cambrésis, le conte Guillame de Haynault print congiet au roy d'Engleterre et à monseigneur Jehan de Haynault son oncle, et s'en party et s'en alla par devers le roy Philippe de France son aultre oncle, à V" bachines de bonnes gens.

Et le roy de France estoit logiés dessoubs la Chappelleen-Terrasse à Buyronfosse ; et là vint Guillemme le conte de Haynault son nepveu en la sepmaine de le Saint-Denis et Saint-Guillain ; mais le roy son oncle onques ne parla à luy toutte celle journée pour ce que le roy d'Engleterre estoit passé parmy son pays.

LXXP HYSTOIRE.

Comment le roy Édouart d'Engleterre ardist Cambrésis et le pays d'environ et vint logier encontre le roj de France.

Quant le conte Guillame de Haynault se fut party du roy d'Engleterre et ailes en l'ayde du roy de France son oncle, le roy d'Engleterre demoura en Cambrésis, et les coureurs du roy ardirent tout Cambrésis, hors mis les fortresses, jusques à Saint-Quentin dont le roy de France s'estoit partis et jusques à Péroime en Vermendois et tout jusques à Bapaumes. Et fut Beaumez en Cambrésis toutte arsse et bien XVIII villes à clocquiers environ le pays.

Et passa le roy d'Engleterre Cambrésis sans assallir, et ne voloit mye ses gens travillier ; ains désiroit à aller avant pour avoir bataille au roy de France s'il pooit.

Et le tierch jour d'octobre le roy d'Engleterre passa l'Escault et se loga dessoubs le Mont-Saint-Martin où il fist Henry de Flandres chevalier.

Et le dimenche assally le sire de Faucquemont et les gens du marquis de Jullers le chastel de Honnecourt ; et ceulx du chastel se defFendirent vigoreusement, car il y avoit moult de bonnes gens dedens qui le gardoient et de bons gens d'armes. Et y eult ung vaillant chevalier tué de la partye monseigneur de Faucquemont, qu'on appelloit monseigneur Vinaut de Rodes. Et sy y eult grant plenté d'aultres blechiés et navrés de pierres et de gros caillaux. Sy y eult grant assault et périlleux ; mais petit y fisrent de leur esploit, car trop estoit le chastel fort garnis de bons ' gens d'armes. Sy les en convint partir le samedi aunuit qui fut la nuit Saint-Luc.

Et vint le roy d'Engleterre logier à le Cappelle-en- Terrasse encontre le roy de France. Et ne corabatirent point ensamble, et s'en râla le roy d'Engleterre à Anvers là où sa femme Tattendoit. Et le roy de France laissa garnisons à Cambray, à Douay, à Tournay et à Mortaingne.

Et le roy d'Engleterre s'en alla à Gand où il fist ung parlement aux Flamens, lesquels s'alyèrent au dit roy d'Engleterre et relevèrent de luy comme roy de France et d'Engleterre la conté de Flandres, et luy proraisrent aidier. Et ossy fisrent ceulx de Brabant et de Haynault. Et séellèrent ensamble, et devoit courre leur monnoie de l'un pays à l'autre, c'est-assavoir Flandres, Brabant et Haynault, et que marchandise courroit. Et fut ce fait entre la Conversion Saint-Pol et le Candeler l'an de grâce mil IIP et XXXIX. Et là en droit ordonna ce parlement ce qu'ils feroient pour l'année à venir , et yroient seyr et tenir siège devant Tournay ; et le roy d'Engleterre debvoit revenir en la saison environ la Saint-Jehan.

Dont se party le parlement, et prinrent congiet au roy. Sy s'en râla chascun en son lieu, et le roy d'Engleterre s'appareilla pour faire escripres lettres et les fist faire au mieulx qu'il peult. S'en fist faire pour envoyer par toutte France et ailleurs pluseurs coppies et atachier aux huis des églises, par quoy chascun les veyst et fussent mieulx d'estre de son party et de le tenir à roy,

Sy lairay cy à tant du roy d'Engleterre jusques à une aultre fois. Sy diray des François que le roy avoit laissiet en Cambray.