LXII« HYSTOIRE

Comment monseigneur Thiébault de Moreul et ceulx de Cambray assallirent le chastel de Relengues.

Après ce que les II rois se furent partis de Buironfosse, entandis que le roy d'Engleterre estoit à Gand au parlement, et le duc de Brabant et le conte de Haynault et les aultres princes ossy, il advint que monseigneur Thiébault de Moreul et ceulx de la ville de Cambray et leurs banières yssirent hors de Cambray à grant plenté de gens d'armes et de communes, et s'en alèrent à Relanghes une forte maison dalez Cambray , et assallirent ceulx qui estoient dedens de par monseigneur Jehan de Haynault à qui la maison et le chastel estoit.

Sy le gardoit le bastard de Beaumont et XVIII corapaignons arbalestriers avoec luy. Sy ardirent ceulx de Cambray la basse court, et puis assallirent fort au chastel le vendredy devant le Saint-Thomas qui est devant Noël, et gelloit moult fort et faisoit grant glace. Sy aloient ceulx de Cambray sy près qu'ils voloieut. Et ceulx du chastel se deffendirent moult hardyement de pierres et de caillaux et de gros mairiens. Et traioieut tant qu'ils furent tout mats et tous lassés et navrés, mais moult en tuèrent en l'ost de Cambray et vilainement blechèrent ; et sy longuement dura l'assault et le defFendement qu'il avespry et que ceulx de Cambray se retrayrent en leur ville.

Et ceulx du chastel demourèrent lassés, foulés et travilliés, et les pluseurs navrés au traire. Sy se conseillèrent les ungs aux aultres comment ils feroient et qu'ils n'avoient

i7â RÉCITS.

pooir de durer, ne résister à le longhe encontre sy grant peuple, et sy n'attendoient nuls secours. Sy eurent conseil qu'ils lairoient le chastel et bouteroient le feu dedens, et s'en yroient à l'adjournée au chastel d'Escaudaing qui estoit bon et fort auprès de là. Et quant ce vint après la minuit, ainsy qu'ils l'avoient devisé, ils le fisrent, et boutèrent le feu ens et s'en yssirent ; et lendemain ceulx de Cambray widèrent et parabatirent tout.