LXXV* HYSTOIRE

Comment le duc de Normandie \iat en Haynault bouter les feux et premier à Werchin.

Il advint une espasse après ce que la prinse de la ville d'Aubenton fut faite l'an mil IIP et XL, entandis que le conte de Haynault et les aultres barons estoient au parlement à Tenremonde et que le pays de Haynault estoit sans gardes de capitaines, car il n'y avoit chevalier, ne provost, ne bailli le conte au lez devers Oambrésis , sy advint que le dit duc de Normendie, le conte d'Erminac, le duc d'Ataines, monseigneur Godemar du Fay et monseigneur Thiébault de Moreul à tout bien VIII mille armés sans aultres gens, et sceurent que le conte de Haynault n'estoit mye au pays, ils s'avallèrent vers Valenchiennes ; et ardirent les coureurs la ville de Werchin qui estoit au séneschal de Haynault. Et puis ardirent tout le pays environ XXXII villes à clocquiers. Et se logèrent tous les osts en Haynault par II vesprées, et prinrent, robèrent et pillèrent et emportèrent tout ce qu'ils peurent, car nuls ne leur aloit au devant.